ޑިސެމްބަރުގައި މަޖިލީސް ޗުއްޓިއަށް ދާނީ އިސްރާއީލް ޕާސްޕޯޓާއި މެދު ގޮތެއް ނިންމާފައި: މެންބަރު

Read Time:4 Minute, 5 Second

ފޮޓޯ ކްރެޑިޓްސް: ރައްޔިތުންގެ މަޖިލިސް

ޑިސެމްބަރުގައި މަޖިލީސް ޗުއްޓިއަށް ދާނީ މިހާރު މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީގައި ބާރަށް ހިނގަމުންދާ އިސްރާއީލްގެ ޕާސްޕޯޓް މައްސަލައާ މެދު ގޮތެއް ނިންމާފައި ކަމަށް ވިިލިމާލެ ދާއިރާގެ މެންބަރު މުހައްމަދު އިސްމާއީލް ވިދާޅުވެއްޖެއެވެ. އިސްރާއީލުގެ ޕާސްޕޯޓުގައި ރާއްޖެ އެތެރެވުން މަނާކުރަން އިމިގްރޭޝަން ގާނޫނަށް އިސްލާހު ގެންނަ މައްސަލަ މަޖިލީހުގެ ކޮމެޓިގައި ހިނގަމުންދާއިރު، މި މައްސަަލައިގައި ގިނަބަޔަކާއި މަޝްވަރާ ކުރުމަށް އެ ކޮމެޓީން ނިންމާފައި ވެއެވެ. އަދި އެ ކޮމެޓީގެ ބައްދަލުވުންތައް މި ހަފްތާ އާދީއްތަ ދުވަހުން ފެށިގެން ކޮންމެ ދުވަހަކު ދަނީ ހިނގަމުންނެވެ. ޑިސެމްބަރު 15 އާ ހަމައަށް މަޖިލީސް މިހާރު ވަނީ ދަންމާލާފައެވެ.

ރައްޔިތުންގެ މަޖިލީސް ކުރިމަތީގައި ޑރ. ޝަޒްރާ އިބްރާހިމްގެ ކުރެއްވި ސުވާލަަކަށް ޖަވާބުދެއްވަމުން މެންބަރު މުހައްމަދު އިސްމާއީލް ވިދާޅުވީ، މަޖިލިސް ބަންދު ދުވަހުގައިވެސް އިސްރާއީލުގެ ޕާސްޕޯޓްގެ މައްސަލަ އަވަސް ކުރަން ރައީސް ޑރ. މުހައްމަދު މުއިއްޒު އަންގަވައިގެން އެ ކޮމެޓީ ވަރަށް ބާރަށް ކުރިއަށް ގެންދާ ކަމަށެވެ. “މާތްﷲ އިރާދަކުރެއްވިއްޔާ މި މަސް ނިމުމުގެ ކުރިން، މަޖިލީސް ރިސެސްއަށް ދިއުމުގެ ކުރިން، ތިއީ ވަރަށް ބޮޑު ކަމެއް އެނގޭތޯ، ތިއީ ކުޑަ ކަމެއް ނޫން، އަޅުގަނޑުމެން ކަހަލަ ކުޑަކުޑަ ގައުމަކަށް ތިވަރުގެ ބޮޑު ޑިޒިޝަނެއް ނަގާއިރު، ވަރަށް ގިނަ ފަރާތްތަކާއި ޑިސްކަން ކުރަން އެބަ ޖެހޭ،”. ޝަޒްރާ ކުރެއްވި ސުވާލަށް ޖަވާބު ދެއްވަމުން އޭނާ ވިދާޅުވިއެވެ.

އަދި ފަތުރުވެރިކަމާއި ގުޅުން ހުރި ބޭބޭފުޅުންނާއި މަޝްވަރާ ކުުރުމަށް ފަހު ގައުމަށް އެންމެ ލޮޅުން ކުޑަ، އެންމެ އިގްތިސޯދީ ގޮތަށް އެންމެ އަސަރު ކުޑަވާނެ ގޮތަކަށް ކޮމެޓީން މަސައްކަތް ކުރަމުންދާ ކަމަށް މެންބަރު ވިދާޅުވިއެވެ. “އަޅުގަނޑުމެން މި ބަލަނީ، ރައީސް އަންގަވާފައި އޮތީ މަޖިލީސް ބަންދަށް ދިއުމުގެ ކުރިން، މަޖިލީސް ދަމާވެސް ލައިފި، ޑިސެމްބަރު 15އާ ހަމައަށް މަޖިލީސް ރިސެސްއަށް ދާނީ، އޭގެ ކުރީގައި އަޅުގަނޑުމެންނަށް ﷲ އިރާދަކުރެއްވިއްޔާ އެންމެން ލޭ ވަރަށް ސާފްކޮށް މި ހުރީ، އަޅުގަނޑުމެން މި ބިލް ވަކި ގޮތަކަށް ނިންމާފައި އަޅުގަނޑުމެން ދާނީ،”. އޭނާ ވިދާޅުވިއެވެ.