Read Time:2 Minute, 41 Second
ސިވިލް ސާވިސް ކޮމިޝަން (ސީއެސްސީ) ގެ ރައީސް މުހައްމަދު ނާސިހް އެ ކޮމިޝަނުން ވަކިކުރަން ނުފެންނަ ކަމަށް ރައްޔިތުންގެ މަޖިލިހުން މިއަދު ފާސްކޮށްފިއެވެ. ނާސިހް، ސީއެސްސީ އަށް އައްޔަންކޮށްފައިވަނީ ކުރީގެ ރައީސް އިބްރާހިމް މުހައްމަދު ސޯލިހްގެ ވެރިކަމުގައި 2020 ގައެވެ. އަދި ސީއެސްސީގެ ރައީސްގެ މަގާމަށް ނާސިހް އައްޔަން ކުރީ އެ އަހަރުގެ ސެޕްޓެމްބަރު 16 ގައެވެ.
ނާސިހަކީ ހިންގުމުގެ ދާއިރާގެ 28 އަހަރުގެ ތަޖުރިބާ ހުންނެވި ބޭފުޅެކެވެ. އަދި އިނގިރޭސިވިލާތުގެ ޔުނިވާސިޓީ އޮފް ލިވަޕޫލް އިން މާސްޓާސް އޮފް އިންޖިނިއަރިން ހާސިލް ކުރައްވާފައިވެއެވެ. ސީއެސްސީއަށް އައްޔަން ކުރެއްވުމުގެ ކުރިން ހުންނެވީ ބްރޯޑްކާސްޓިން ކޮމިޝަންގެ ސެކްރެޓަރީ ޖެނެރަލްގެ މަގާމުގައެވެ. ނާސިހް ވަކިކުރުމުގެ މަސައްކަތް މަޖިލީހުން ފެށީ އޭނާ މަގާމާ އެކަށީގެން ނުވާ އަމަލުތަކެއް ކުރި ކަމަށް ބުނެއެވެ. އެކަމަކު މަޖިލިހުގެ މިނިވަން މުއައްސަސާތަކުގެ ކޮމިޓީން ނިންމާފައިވަނީ އެކަންކަން އޭނާގެ މައްޗަށް ސާބިތު ނުވާ ކަމަށެވެ.
އޭނާ މަގާމުން ވަކިކުރަން ފެނޭތޯ ވޯޓަށް އެހުމުން ވޯޓުގައި ބައިވެރިވެވަޑައިގެންނެވި 64 މެމްބަރުން ވޯޓު ދެއްވީ އޭނާ މަގާމުން ވަކިކުރަން ނުފެންނަ ކަމަށެވެ. ނާސިހް މަގާމުން ވަކިކުރަން ވޯޓު ދެއްވީ އެންމެ 12 މެމްބަރުންނެވެ. ނާސިހް ވަކިކުރަން ވޯޓު ދެއްވި މެމްބަރުންގެ ތެރޭގައި ވެރިކަން ކުރާ ޕީއެންސީގެ ބައެއް މެމްބަރުން ހިމެނިވަޑައިގަންނަވައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0