Read Time:5 Minute, 40 Second
ފޮޓޯ ކްރެޑިޓްސް: ވަގުތު
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވިޔަފާރިވެރި ކުންފުންނިތަކަށް ކުއްޔަށް ދޫކޮށްފައިވާ ބިންތަކުގެ ތެރެއިން އެޗްޑީސީ އަށް ކުލީގެ ގޮތުގައި ލިބެން ޖެހޭ 1.2 ބިލިއަނަށް ވުރެ ގިނަ ރުފިޔާ ހުރިއިރު، އޭގެ ތެރޭގައި ބޮޑެތި، ނަން މަޝްހޫރު ވިޔަފާރި ކުންފުނިތައް ހުރި ކަން މިއަދު ހާމަވެއްޖެއެވެ. އެޗްޑީސީން ވަނީ އެ ކުންފުންޏަށް ނުލިބި ހުރި ބިމު ކުލީގެ ފައިސާގެ ލިސްޓެއް ރައްޔިތުންގެ މަޖިލިހުގެ މާލިއްޔަތު ކޮމިޓީއާ ހިއްސާކޮށްފައެވެ.
މި ބިންތަކަކީ ހުޅުމާލެ އާއި ތިލަފުއްޓާއި ގުޅީފަޅުން ކުއްޔަށް ދޫކޮށްފައިވާ ބިންތަކެވެ. ކުންފުނިތަކުން އެޗްޑީސީއަށް މިލިއަނުން ފައިސާ ދޭން ހުރި ކަމަށް އެ ލިސްޓުން ދައްކައެވެ. އެއީ 18 ކުންފުންޏަކާއި އަމިއްލަ ދެ ފަރުދުން ދޭން ޖެހިފައިވާ ކުއްޔެވެ. މީގެތެރެއިން ބައެއް ކުންފުނިތަކުން ދޭއް ނޫނީ ތިން ބިން ވެސް ކުއްޔަށް ނަގާފައިވެއެވެ.
އެޗްޑީސީއަށް ފައިސާ ދޭން ޖެހޭ ބޮޑެތި ކުންފުނިތަކުގެ ތެރޭގައި ހިމެނެނީ:
1- ޖައުސާ އިންވެސްޓްމަންޓް ޕްރައިވެޓް ލިމިޓެޑް
2- އެޗްޕީއެޗް ޑިވެލޮޕްމަންޓް ޕްރައިވެޓް ލިމިޓެޑް
3- އައިލެންޑް އެކްސްޕާޓް ޕްރައިވެޓް ލިމިޓެޑް
4- ހަންބޯ ކޮމްޕެނީ ލިމިޓެޑް
5- ރެއިންބޯ މެގަ ޑިވެލޮޕާސް ޕްރައިވެޓް ލިމިޓެޑް
6- ޔޮޓް ޓުއާސް މޯލްޑިވްސް
7- އެންސިސް ފިޝަރީޒް ޕްރައިވެޓް ލިމިޓެޑް
8- އަމީން ކޮންސްޓްރަކްޝަން ޕްރައިވެޓް
9- ވޯޓާ ފްރަންޓް ހޮޓެލް އެންޑް ލެޝާ ޕްރައިވެޓް ލިމިޓެޑް
10- ރެއިންބޯ އެންޓަ ޕްރައިސަސް ލިމިޓެޑް
11- ހުރަވަޅި ބީޗް ރިސޯޓު އިންވެސްޓްމަންޓް ޕްރައިވެޓް ލިމިޓެޑް
12- ވީއޭއެމް ކޮމްޕެނީ ޕްރައިވެޓް ލިމިޓެޑް
13- މާލާ ހައި ރައިސިން ކޮންސްޓްރަކްޝަން ލިމިޓެޑް
14- މެގަ އިންފްރާ ޕްރޮޖެކްޓްސް ޕްރައިވެޓް ލިމިޓެޑް
15- ހެވީލޯޑް ޕްރައިވެޓް ލިމިޓެޑް
16- ޖައުސާ ޕްރޮޕަޓީ ޑިވެލޮޕްމަންޓް މޯލްޑިވްސް
17- ލިޓަސް މޯލްޑިވްސް ޕްރައިވެޓް ލިމިޓެޑް
18- އަމީން ބިލްޑްވެއާ ޕްރައިވެޓް ލިމިޓެޑް
މާލިއްޔަތު ކޮމިޓީގައި ވާހަކަ ދައްކަވަމުން ކޮމިޓީގެ ނައިބު މުގައްރިރު، އަދި މަޖިލިހުގެ އޭދަފުށީ ދާއިރާގެ މެމްބަރު އަހުމަދު ސަލީމް (ރެޑްވޭވް ސަލީމް) ވިދާޅުވީ އެކި ފަރާތްތަކުން އެޗްޑީސީ އަށް ދައްކަން ޖެހޭ 1.2 ބިލިއަން ރުފިޔާ ނުލިބިވުމަކީ ދައުލަތަށް ލިބޭނެ ގެއްލުމެއް ކަމަށެވެ. މި ފައިސާތައް ހޯދަން އެޗްޑީސީން ކުރާ މަސައްކަތެއް ވެސް އެނގިވަޑައިގެންފައި ނުވާ ކަމަށް ސަލީމް ވިދާޅުވިއެވެ. ބާރަށު ދާއިރާގެ މެމްބަރު އިބްރާހިމް ޝުޖާއު ވަނީ އެ ފައިސާ ހޯދުމަށްޓަކައި ކުރެވިފައިވާ މަސައްކަތްތައް އެޗްޑީސީ މެދުވެރިކޮށް އޮޅުން ފިލުވަން ހުށަހަޅުއްވައިފައެވެ. ބޮޑެތި ކުންފުނިތަކުން މިގޮތަށް ފައިސާ ނުދައްކާ ހުރުމަކީ ކަންބޮޑުވެވަޑައިގަންނަވާ ކަމެއް ކަމަށް އޭނާ ވިދާޅުވިއެވެ.
“އަޅުގަނޑު ފާހަގަކޮށްލަން ބޭނުންވާ އެކްޓިވްކޮށް ހިނގާ ރާއްޖޭގެ ނަން މަޝްހޫރު ބޮޑެތި ކުންފުނިތައް އެބަހުރި މިލިއަނުން ކުލި ނުދައްކާ. އަޅުގަނޑުމެން މިދައްކަނީ ސަރުކާރު ކުންފުނިތައް ބަނގުރޫޓުވާ ވާހަކަ. ބަނގުރޫޓުވާނެ ނޫންތޯ ބޮޑެތި ބިންތައް ކުއްޔަށް ނަގާފަ ކުލި ނުދެއްކީމާ،” ޝުޖާއު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0