Read Time:2 Minute, 3 Second
(ފޮޓޯ ކްރެޑިޓްސް: ރައްްޔިތުންގެ މަޖިލިސް)
ރިސޯޓު މުވައްޒަފުންނަށް ސާވިސް ޗާޖު ލިބުނު ކަރަންސީއަކުން ދޭން ލާޒިމުކޮށް އިދިކޮޅު އެމްޑީޕީން ހުށަހެޅި ބިލަށް ސަރުކާރު ހިންގާ ޕީއެންސީގެ މެންބަރުން ފާޑުވިދާޅުވި ނަމަވެސް، އެ ބިލު ބަލައިގަނެ އިސްލާހުތަކާއެކު ފާސްކުރާނެ ކަމަށް ޕީޖީ ލީޑަރު އިބްރާހިމް ފަލާހު ވިދާޅުވެއްޖެއެވެ. ފަލާހު ވިދާޅުވީ މިއީ މުވައްޒަފުންގެ ހައްގުގައި ރައީސުލްޖުމްހޫރިއްޔާ ބޭނުންފުޅުވާ ގޮތް ކަމަށާއި، ކޮމިޓީ މަރުހަލާގައި ރިސޯޓު އޯނަރުންނާއި މުވައްޒަފުންނާ މަޝްވަރާކޮށްގެން އެންމެންނަށް ފައިދާހުރި ގޮތަކަށް ބިލު ބަދަލުކުރާނެ ކަމަށެވެ. މީގެ ކުރިން ބަހުސްގައި ފަލާހު ވަނީ މިފަދަ އިސްލާހުތަކަކީ ސިޔާސީ މަންފާއަށް ހުށަހަޅާ ކަންކަން ކަމަށް ސިފަކުރައްވައި، އިންވެސްޓަރުންގެ ހައްގުތައް ވެސް ހިމާޔަތްކުރަން ޖެހޭނެ ކަމަށް ވިދާޅުވެފައެވެ. މައުރޫފު ޒާކިރު ހުށަހެޅުއްވި މި ބިލުގައި މައިގަނޑު ގޮތެއްގައި އޮތީ ސާވިސް ޗާޖު ނެގި ކަރަންސީއަކުން މުވައްޒަފުންނަށް ދިނުމާއި، ކޮންޓްރެކްޓް މުވައްޒަފުންނަށް ވެސް ސާވިސް ޗާޖު ދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0