Read Time:1 Minute, 36 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ޙައްޖާއި ޢުމްރާގެ ޚިދުމަތް ދިނުމުގައި ދިމާވާ އިހުމާލުވުމުގެ މައްސަލަތަކަށް ދާއިމީ ހައްލެއް ހޯދުމަށްޓަކައި، އެކަމަށް ޚާއްސަ ޤާނޫނެއް އެކުލަވާލުމުގެ މަސައްކަތް ކުރައްވަމުންދާކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ. މި ޤާނޫނުގެ މައިގަނޑު މަޤްސަދަކީ ޚިދުމަތްދޭ ކުންފުނިތަކުގެ ދައުރު ކަނޑައަޅައި، އިހުމާލުވާ ފަރާތްތަކަށް އަދަބުދެވޭނެ ހަރުދަނާ ނިޒާމެއް ޤާއިމުކޮށް، އާންމު ރައްޔިތުންގެ ފައިސާއާއި ޙައްޤުތައް ރައްކާތެރިކުރުމެވެ. މިހާރު މި ޚިދުމަތް އުސޫލުތަކެއްގެ ދަށުން ދެމުންދިޔަ ނަމަވެސް، ޤާނޫނީ އޮނިގަނޑެއްގެ ތެރެއަށް މިކަން ބަދަލުވުމުން ޒިންމާދާރުކަން އިތުރުވެ، ރައްޔިތުންގެ އިތުބާރު ބޮޑުވެގެންދާނެކަމަށް ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0