Read Time:2 Minute, 8 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޝަރުޢީ ދާއިރާގެ އިދާރީ ހިންގުން ހަރުދަނާކޮށް، ސިޔާސީ ނުފޫޒުން އެއްކިބާވެފައިވާ މިނިވަން ތަނަކަށް ހެދުމަށްޓަކައި “ޖުޑީޝަލް ކައުންސިލް” އަލުން އުފެއްދުމަށް ސަރުކާރުން ނިންމަވާފައިވާ ކަމަށް ޖޭއެސްސީގެ ރައީސް ހުސްނީ މުބާރިކް ވިދާޅުވެއްޖެއެވެ. ކުރީގެ ސަރުކާރުން ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) ޖޭއެސްސީގެ ދަށަށް ބަދަލުކުރުމުން އިދާރީ ގިނަ ގޮންޖެހުންތަކެއް ކުރިމަތިވެފައިވާތީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ޑީޖޭއޭ އަކީ އަލުން އުފައްދާ ޖުޑީޝަލް ކައުންސިލްގެ ދަށުން ހިނގާ ތަނަކަށް ހެދުމަށް ޤާނޫނަށް އިސްލާހު ގެންނަވާނެކަން އިޢުލާން ކުރައްވާފައެވެ. މި ބަދަލުތައް ގެންނާނީ ފަނޑިޔާރުންނާއި ކޯޓުތަކުގެ މަޝްވަރާގެ މަތިން ކަމަށާއި، މީގެ ސަބަބުން ޝަރުޢީ ދާއިރާގެ މިނިވަންކަން އިތުރަށް ކަށަވަރުވެގެންދާނެ ކަމަށް ހުސްނީ ފާހަގަކުރެއްވިއެވެ. ޖުޑީޝަލް ކައުންސިލަކީ އެކި މަރުޙަލާގެ ކޯޓުތަކުގެ ފަނޑިޔާރުން ހިމެނޭ ގޮތަށް، 2010 ވަނަ އަހަރުގެ ކޯޓުތަކާ ބެހޭ ޤާނޫނުގެ ދަށުން ކުރިންވެސް އުފައްދާފައިވާ ތަނެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0