Read Time:2 Minute, 52 Second
ފޮޓޯ ކްރެޑިޓްސް: ރައްޔިތުންގެ މަޖިލިސް
ރައްޔިތުންގެ މަޖިލީހުގެ އިދާރާގެ އެންމެ އިސް ތިން ބޭފުޅުން އެ ބޭފުޅުންގެ މަގާމުތަކުގައި ބޭއްތިއްބުމާމެދު މިއަދު ވޯޓަށް އެހުމަށް މަޖިލީހުގެ ރިޔާސަތުން ނިންމައިފިއެވެ. މަޖިލީހުގެ އަމީން އާންމާއި ކައުންސެލް ޖެނެރަލް އަދި މަޖިލީހުގެ ސާޖެންޓް އެޓް އާމްސްގެ މަގާމުގައި މިހާރު ވެސް ތިއްބެވި ބޭފުޅުން އެ މަގާމުތަކުގައި ބޭތިއްބުމާމެދު ވޯޓަށް އެހުމަށް ރިޔާސަތުން ނިންމީ މިއަދުގެ ޖަލްސާގައެވެ.
މިއަދުގެ ޖަލްސާގައި ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ މަޖިލީހުގެ ގަވާއިދުގެ 16 ވަނަ މާއްދާގައި ބުނެފައިވާ ގޮތުގައި މަޖިލީހުގެ ހިންގާ ގަވާއިދަށް އަމަލުކުރަން ފަށާތާ ދެ ދައުރު ހަމަވުމުގެ ކުރިން މަޖިލީހުން އެހެން ގޮތަކަށް ކަނޑަނާޅާހާ ހިނދަކު ހިނގަމުންދާ މަޖިލީހުގެ އަމީންއާންމާއި މަޖިލީހުގެ ކައުންސެލް ޖެނެރަލް އަދި ސާޖެންޓް އެޓް އާމްސްގެ މަގާމަށް މީހުން އައްޔަންކުރަންވާނެ ކަމަށެވެ.
މިހާރު މަޖިލީހުގެ އަމީން އާންމުގެ މަގާމުގައި ހުންނެވީ ފާތިމަތު ނިއުޝާއެވެ. މަޖިލީހުގެ ކައުންސިލް ޖެނެރަލްގެ މަގާމުގައި ފާތިމަތު ފިލްޒާ ހުންނެވިއިރު މަޖިލީހުގެ ސާޖެންޓް އެޓް އާމްސްގެ މަގާމުގައި ހުންނެވީ ރިޓަޔަޑް މޭޖާ ތަލްހަތު ހަސަންއެވެ. އެހެންވެ، މަޖިލީހުގެ އިދާރާގެ އެންމެ އިސް ތިން މަގާމުގައި މިހާރު ވެސް ތިއްބެވި ތިން ބޭފުޅުން އެ މަގާމުތަކުގައި ބޭތިއްބުމާމެދު ގޮތެއް ނިންމުމަށް މިއަދުގެ މަޖިލީހުގެ ޖަލްސާގައި ބާއްވާ ވޯޓު އޮންނާނީ މެދުރުފަހުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0