Read Time:4 Minute, 15 Second
ފޮޓޯ ކްރެޑިޓްސް: ރައްޔިތުންގެ މަޖިލިސް
އެންޓި ކޮރަޕްޝަން ކޮމިޝަން (އޭސީސީ) ގެ ރައީސް އައްޔަން ކުރުމުގެ ބާރު ރައީސުލްޖުމްހޫރިއްޔާ އަށް ލިބިދޭ ގޮތަށް ރައްޔިތުންގެ މަޖިލިހަށް ހުށަހަޅާފައިވާ އިސްލާހަކީ އެ މުއައްސަސާ ޒިންމާދާރު ކުރުވުމަށް ގެންނަ އިސްލާހެއް ކަމަށް ރައްޔިތުންގެ މަޖިލިހުގެ ތިނަދޫ އުތުރު ދާއިރާގެ ޕީއެންސީގެ މެމްބަރު ސައުދުﷲ ހިލްމީ ވިދާޅުވެއްޖެއެވެ.
އޭސީސީ އާއި އިލެކްޝަންސް ކޮމިޝަން (އީސީ) ގެ ރައީސް އައްޔަން ކުރުމުގެ ބާރު ރައީސުލްޖުމްހޫރިއްޔާއަށް ލިބޭ ގޮތަށް އެ ދެ ކޮމިޝަންގެ ގާނޫނަށް ސަރުކާރުގެ ފަރާތުން އިސްލާހު ގެނައުމަށް ރައްޔިތުންގެ މަޖިލީހަށް ހުށަހެޅި ބިލު، މިނިވަން މުއައްސަސާތަކުގެ ކޮމިޓީން ވަނީ ފާސްކޮށްފައެވެ.
ކޮމިޓީ ރިޕޯޓަށް މިއަދު ބަހުސް ކުރައްވަމުން ސައުދުﷲ ވިދާޅުވީ ކޮމިޝަންތަކުންގެ ރައީސް ރައީސް ހޮވުމުގެ ބާރު މެމްބަރުންނަށް އޮތުމުން ބައެއް ފަހަރު މަސްލަހަތު ގެއްލޭ ފަހަރު ވެސް އަންނަ ކަމަށެވެ. އަދި ބައެއް އެހެނިހެން ކަންކަން ވެސް ހިނގާކަން އެނގިވަޑައިގެންފައިވާ ކަމަށް ސައުދުﷲ ވިދާޅުވިއެވެ.
ގާނޫނަށް ގެންނަ އިސްލާހުގައި ކޮމިޝަންތަކުގެ ރައީސުން ކަނޑައެޅިގެން ދަނީ ރާއްޖޭގެ ރައްޔިތުންގެ މަޖިލީހުގެ ރުހުމާއެކުގައި ކަމަށާއި މަޖިލީހުން ކަނޑައަޅާ ބަޔަކު ވެގެންދަނީ ރައީސުންނަށް ކަމަށް ސައުދުﷲ ވިދާޅުވިއެވެ. އެހެންކަމުން މިއީ ޑިމޮކްރެޓިކް އުސޫލުން ބަލާއިރު ވެސް އެންމެ ރަނގަޅު ގޮތް ކަމަށް ވިދާޅުވިއެވެ.
“އެ ކޮމިޝަނަށް މެންބަރުން އައްޔަން ކުރަނީ ވެސް މަޖިލީހުން ފާސްކޮށްގެން. އެހެންވީމަ އޭގަ ބަޔަކު އެހެން ގޮތަކަށް އެކަން ބަދަލުކުރަން އުޅުނަސް އެއީ ބަދަލުވާނެ ކަމެއް ނޫން. މަޖިލީހުން ރުހުންދޭ މީހުނަކީ އެއީ ރައްޔިތުން ރުހުންދޭ މީހުން.”ސައުދުﷲ ވިދާޅުވިއެވެ.
ސައުދުﷲ ވިދާޅުވީ އެ އިސްލާހު ފާސްކުރެވުނު ކަމުގައިވީ ނަމަވެސް މިހާރު ކޮމިޝަންތަކުގައި ތިއްބެވި ބޭފުޅުން އެ މަގާމުގައި ތިއްބަވާނެ ކަމަށެވެ. އަދި އެ އިސްލާހަށް އަމަލު ކުރަން ފަށާނީ އެ ބޭފުޅުންގެ ދައުރު ހަމަވުމުން ކަމަށް އޭނާ ވިދާޅުވިއެވެ. އެހެންކަމުން މިއީކީ މިހާރުން މިހާރަށް ކޮމިޝަންތަކަށް ބަދަލު ގެނެވޭ ވާހަކައެއް ނޫން ކަމަށް ވިދާޅުވިއެވެ. އެއީ ކުރިއަށް އޮތް ތަނުަގއި އެ ބޭފުޅުން ޒިންމާދާރު ކުރުމަށް ގެނައި އިސްލާހެއް ކަމަށް ސައުދުﷲ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0