Read Time:3 Minute, 18 Second
ފޮޓޯ ކްރެޑިޓްސް: ވަގުތު
ނ. މާފަރު އިންޓަނޭޝަނަލް އެއާޕޯޓްގައި ގާއިމްކޮށްފައިވާ އެސްޓީއޯގެ ފިއުލް ފާމް ތިލަފުއްޓަށް ބަދަލުކުރަން ނިންމައިފިއެވެ. ޕީއެސްއެމް ނިއުސްގެ ރާއްޖެ މިއަދު ޕްރޮގްރާމުގައި ވާހަކަދައްކަވަމުން އެސްޓީއޯގެ މެނޭޖިންގ ޑިރެކްޓަރ އިބްރާހީމް ޝިމާދު ވިދާޅުވީ، ފުނަދޫގައި ހުރި އެސްޓީއޯގެ ތެޔޮ ފާމް ތިލަފުއްޓަށް ބަދަލުކުރަން ނިންމީ ފުނަދޫގައި ތެޔޮ ރައްކާކުރުމުގައި ގިނަ ގޮންޖެހުންތަކެއް ހުރުމުން ކަމަށެވެ. އެގޮތުން މިހާރު ފުނަދޫގައި ކުރަމުންގެންދާ ފިއުލް ފާމްގެ މަސައްކަތް ތިލަފުއްޓަށް ބަދަލުކުރުމަށް ރާވާފައިވާ ކަމަށް އޭނާ ވިދާޅުވިއެވެ. އަދި އަދި މި މަޝްރޫއު ވެގެންދާނީ އެސްޓީއޯގެ އެންމެ ބޮޑު އެއް މަޝްރޫއަށް ކަމަށްވެސް ޝިމާދު ވިދާޅުވިއެެވެ.
“ބޮޑެތި ވެސަލްތައް ކައިރިކުރަން ވަރަށް އުނދަގޫ، ފުނަދޫގައި މިއޮތް ޓަރމިނަލްއާއި ހެދި ނެތް ވިޔަފާރި އިތުރަށް ފުޅާކުރުމުގެ ފުރުސަތުތަކެއް،އެހެންކަމުން ފިއުލް ފަރމު ރިލޮކޭޓުކޮށް، އިކޮނޮމީ ސައިޒުގެ ވެސަލްތައް ގެނެސް، ތެލުގެ އަގު މިއަށްވުރެ ދަށްކޮށް ތެލުގެ ވިޔަފާރިފުޅާވެގެންދާނެ، އަޅުގަނޑުމެންގެ އަމާޒަކީ ވީހާ ވެސް އަވަހަކަށް ތިލަފުށީގައި ރަނގަޅު ސްޓޯރޭޖެއް ގާއިމުކޮށް ރާއްޖެއަށް ބޭނުންވާ ތެލަށް ބަލާފައި ރަނގަޅު ސައިޒެއްގެ ސްޓޯރޭޖުތަކެއް ގާއިމުކުރުން.” ޝިމާދު ވިދާޅުވިއެވެ. ތެޔޮ ރައްކާކުރާ ނިމާޒު ތިލަފުއްޓަށް ބަދަލުކުރުމުގެ މަސައްކަތަށް ކޮންސަލްޓަންޓެއް ހަމަޖައްސާފައިވާއިރު، މިހާރު ކުރިއަށް ދަނީ އެތަނުގެ ޑިޒައިންކުރުމާއި ކޮންސެޕްޓުގެ މަސައްކަތްތައް ކަމަށްވެސް ޝިމާދު ވިދާޅުވިއެވެ. ޝިމާދު އިތުރަށް ވިދާޅުވީ، މިމަސައްކަތުގެ ޑީޓެއިލް ޑިޒައިން އާއި ކޮންސެޕްޓުގެ މަސައްކަތް ނިމުމުން 18 ނޫނީ 24 މަސް ތެރޭގައި މަސައްކަތް ނިންމާލެވޭނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0