Read Time:3 Minute, 4 Second
ދިވެހިރާއްޖެއިން ދުނިޔޭގެ ލީޑިން ޑެސްޓިނޭޝަންގެ ފަހުރުވެރި އެވޯޑު އަނެއްކާ ވެސް ކާމިޔާބުކޮށްފިއެވެ. މިއީ ރާއްޖެއިން މި ލަގަބު ޖެހިޖެހިގެން ކާމިޔާބުކުރި ފަސް ވަނަ އަހަރެވެ. މި އަހަރު ދުނިޔޭގެ ލީޑިން ޑެސްޓިނޭޝަންގެ މަގާމު ރާއްޖެއިން ހާސިލްކޮށްފައިވަނީ ދުބާއީ، އޮސްޓްރޭލިއާ، ގްރީސް، ސްޕެއިން، ވިއެޓްނާމް، އިންޑޮނީޝިއާ، އެމެރިކާ އަދި ޖެމެއިކާ ފަދަ ގައުމުތަކާއި ވާދަކޮށްގެންނެވެ.
މީގެ އިތުރުން ވެސް ރާއްޖެ އިން ވަނީ ވޯލްޑު ގްރީން ޑެސްޓިނޭޝަން އެވޯޑު ވެސް ހާސިލްކޮށްފައެވެ. މިއީ މި އެވޯޑު ރާއްޖެއަށް ލިބުނު ފުރަތަމަ ފަހަރުކަން ފާހަގަކޮށްލެވެއެވެ. ދުނިޔޭގެ ލީޑިން ޑައިވް ޑެސްޓިނޭޝަން، ދުނިޔޭގެ ލީޑިން ހަނީމޫން ޑެސްޓިނޭޝަން ދުނިޔޭގެ ލީޑިން އައިލެންޑް ޑެސްޓިނޭޝަން އަދި ދުނިޔޭގެ އެންމެ ރޮމޭންޓިކް ޑެސްޓިނޭޝަންގެ އެވޯޑު ވެސް ރާއްޖެއަށް ވަނީ ލިބިފައެވެ. ފަތުރުވެރިކަމާބެހޭ ވަޒީރު އިބްރާހީމް ފައިޞަލް ވިދާޅުވީ މި ކާމިޔާބީތަކުން ދައްކުވައިދެނީ ދިވެހިރާއްޖެއަށް ދުނިޔޭގެ ފެންވަރުގައި ލިބިފައިވާ ކާމިޔާބީގެ ފަހަތުގައިވަނ،ީ އެންމެން ގުޅިގެން ކުރާ މަސައްކަތް ކަމަށެވެ. އަދި ދިވެހިރާއްޖޭން ފަތުރުވެރިންނަށް ދޭ ޚިދުމަތްތަކުގެ ފެންވަރު ހިފެހެއްޓުމަށް ކުރާ މަސައްކަތުގެ އިތުރުން ތިމާވެށި ރައްކާތެރިކުރުމަށް ކުރާ މަސައްކަތްތައް ކަމަށް ވެސް ވަޒީރު ވިދާޅުވިއެވެ.
ވޯލްޑް ޓްރެވެލް އެވޯޑްސްއަކީ ފަތުރުވެރިކަމުގެ ދާއިރާއާއި ދަތުރުފަތުރާއި މެހުމާންދާރީގެ ދާއިރާއިން ކުރިއަރަމުންދާ ޤައުމުތަކުގެ މަސައްކަތްތައް ފާހަގަކުރުމަށްޓަކައި 1993 ވަނަ އަހަރު ދެމުން އަންނަ ދުނިޔޭގެ ފެންވަރުގައި ފާހަގަކޮށްލެވޭ އެވޯޑެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0