Read Time:4 Minute, 8 Second
ފަލަސްތީނަށް ޓަކައި ކުރަންޖެހޭ އެންމެ މުހިންމު ކަމަކީ އަގްސާ މިސްކިތަށް ލޯބިކުރާ ޖީލެއް ތަރުބިއްޔަތު ކުރުން ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ. މިނިސްޓަރު ކުރެއްވި ޕޯސްޓެއްގައި ވިދާޅުވީ ފަލަސްތީނަށް ޓަކައި މިއަދު ކުރަންޖެހޭ އެންމެ މުހިންމު އެއް ކަމަކީ ފަލަސްތީނުގެ ޤަޟިއްޔާގެ މުހިންމުކަން އުންމަތުގެ ދަރީންނަށް އިލްމީ ހަމަތަކުން ކިޔައިދީ ހޭލުންތެރިކަން އިތުރުކޮށް އަލް އަގްސާ މިސްކިތާ މެދު ލޯބި ޖައްސައި އުންމަތުގެ ޖީލު ތަރުބިޔަތުކުރުން ކަމަށެވެ.
“ފަލަސްތީނަށް ޓަކައި މިއަދު ކުރަންޖެހޭ އެންމެ މުހިންމު އެއް ކަމަކީ ފަލަސްތީނުގެ ގަޟިއްޔާގެ މުހިންމުކަން އުންމަތުގެ ދަރީންނަށް އިލްމީ ހަމަތަކުން ކިޔައިދީ ހޭލުންތެރިކަން އިތުރުކޮށް އަލް އަގްސާ މިސްކިތާ މެދު ލޯބި ޖައްސައި އުންމަތުގެ ޖީލު ތަރުބިޔަތު ކުރުން. ނަސްރާއި ފަތަހައިގެ ފާލަމަކީ އެއީ،” ޝަހީމް ވިދާޅުވިއެވެ. ފަލަސްތީނުގެ މައްސަލައާ ގުޅޭގޮތުން އައިޔޫއެމްއާއި އެމްއެންޔޫގެ ދަރިވަރުން އިސްނަގަައިގެން ރޭ ޕެނަލް ޑިސްކަޝަނެއް ބާއްވާފައިވާއިރު، ޝަހީމް ވަނީ އެއީ އިލްމީ އެތައް ވާހަކަތަކެއް ޕެނަލިސްޓުން ކިޔައިދެއްވި ބައްދަލުވުމެއް ކަމަށް ވިދާޅުވެފައެވެ. އަދި އެކަން އިންތިޒާމު ކުރީތީ ޝުކުރު އަދާކުރެއްވިއެވެ.
“ދިވެހިރާއްޖޭގެ ފަހުރުވެރި އިލްމީ ދެކިއްލާ ކަމުގައިވާ އެމްއެންޔޫއާއި އައިޔޫއެމްގެ ލީޑާޝިޕަށް ފަށް ފަށުން ހިފެހެއްޓުމެއް ނެތް ޝުކުރު ދަންނަވަން. އިލްމީ ގޮތުންނާއި ފިކުރީ ގޮތުން ކަންކަމުގައި ބަހުސްކުރުމުގައި ހެޔޮކަން ހުންނާނެ. އެމްއެންޔޫއާއި އައިޔޫއެމްގެ ދަރިވަރުންގެ ގުޅުމުގެ ފަރާތުން އިސްނަގައިގެން ފަލަސްތީނުގެ ގަޟިއްޔާއާ ބެހޭ ގޮތުން ބޭއްވި އިލްމީ ފޯރަމަކީ މަތީ ތައުލީމުގެ ދަރިވަރުން ރާއްޖޭގައި ބޭއްވި މި ފަދަ ފުރަތަމަ ފޯރަމް. އިލްމީ އެތަށް ވާހަކަތަކެއް ޕެނަލިސްޓުން ކިޔާދެއްވި.” މިނިސްޓަރު ވިދާޅުވިއެވެ. މިނިސްޓަރު ވިދާޅުވީ އެއީ އިލްމީ ގާބިލު ހުނަރުވެރި ޒުވާނުން ފެނިގެން ދިޔަ ފޯރަމެއް ކަމަށާއި މިއީ މިފަހުން، ފަލަސްތީނާ މެދު ރާއްޖޭގައި ބޭއްވުނު އެންމެ ފުރިހަމަ އިލްމީ ފޯރަމް ކަމަށެވެ. މިނިސްޓަރު ވިދާޅުވީ އެ ސިލްސިލާ ކުރިއަށްދާނެކަމަށް އުންމީދުކުރައްވާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0