Read Time:2 Minute, 28 Second
ނިމިދިޔަ ލޯކަލް ކައުންސިލް އިންތިޚާބުގައި ރައީސް މުޙައްމަދު ނަޝީދު މަސައްކަތް ކުރެއްވީ އެމްޑީޕީއާ ދެކޮޅަށް ކަމަށް ދޭހަވާ މޭރުމަކުން އެ ޕާޓީގެ ވަގުތީ ޗެއާޕާސަން ޢަބްދުލްޣަފޫރު މޫސާ ވާހަކަދައްކަވައިފިއެވެ. ސޯޝަލް މީޑިއާގައި ދައުރުވާ ވީޑިއޯއެއްގައި ޣަފޫރު ވިދާޅުވީ، އިންތިޚާބުގެ ކެމްޕޭނަށް ބޮޑެތި ސިޓީތަކަށް ވަޑައިގަތުމަށް ދައުވަތު ދިނުމުން ނަޝީދު އެކަމަށް އިންކާރު ކުރެއްވި ކަމަށާއި، ފަހުން ވަޑައިގަތީ އެހެން ލީޑަރުންނަށް ލިބުނު ތަރުހީބު ފެނިވަޑައިގަތުމުން ކަމަށެވެ. މީގެ އިތުރުން މާލޭގެ މޭޔަރު ހޮވުމުގެ ކެމްޕޭނުގައި ބައިވެރިވެވަޑައިގަތުމަށް އާދޭސް ކުރުމުންވެސް ނަޝީދު އެކަމަށް ފުރަގަސްދެއްވި ކަމަށާއި، މާލޭގެ ގޮނޑިތައް ޕާޓީއަށް ގެއްލުނީ ނަޝީދުގެ ސަޕޯޓަރުން އެހެން ކެންޑިޑޭޓުންނަށް ވޯޓު ދިނުމުން ކަމަށްވެސް ޣަފޫރު ތުހުމަތު ކުރެއްވިއެވެ.
ނަމަވެސް، އިންތިޚާބުގެ ކެމްޕޭނުގައި ނަޝީދު އިސްކޮށް އުޅުއްވިކަން ފާހަގަކޮށް، އެމްޑީޕީގެ ގިނަ މެންބަރުން ދަނީ ޣަފޫރުގެ ވާހަކަތަކާ މެދު ނުރުހުން ފާޅުކުރަމުންނެވެ. މި މައްސަލައިގައި ޕާޓީގެ ތެރޭގައި ބޮޑެތި ޚިޔާލުތަފާތުވުންތަކެއް އުފެދި، ޣަފޫރުގެ އިތުބާރު ނެތްކަމުގެ މައްސަލަ ޤައުމީ މަޖިލީހަށް ހުށަހެޅުމަށް 55 މެންބަރުން ސޮއިކޮށް މިހާރު ވަނީ ޕެޓިޝަނެއް ހުށަހަޅާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0