Read Time:3 Minute, 32 Second
ފޮޓޯ ކްރެޑިޓްސް: ވަގުތު
ރާއްޖޭގެ ކަނޑުގެ ސަރަހައްދުން އަތުލައިގަތް ސްރީ ލަންކާ މަސް ބޯޓަކުން 468.6 ކިލޯ ހުރި އެއް ބިލިއަން ރުފިޔާގެ މަސްތުވާތަކެތި އަތުލައިގަތް މައްސަލައާ ގުޅިގެން، ގާނޫނު ތަންފީޒުކުރާ މުއައްސަސާތަކުން މަސްތުވާތަކެތީގެ ދާއިރާއިން ކުރަމުންގެންދާ ބުރަ މަސައްކަތް ފާހަގަކޮށް ރައީސް ޑރ، މުހައްމަދު މުއިއްޒު ޝުކުރު ދަންނަވައިފިއެވެ. ހދ. މަކުނުދޫގެ ބޭރުން ލަންކާ މަސް ބޯޓެއް ކަމަށް ބެލެވޭ ބޯޓެއް ހުއްޓުވާ ކޯސްޓް ގާޑުގެ ބެލުމުގެ ދަށުން ހދ. ކުޅުދުއްފުށި ބަނދަރަށް ރޭ ގެންގޮސް މިއަދު ހެނދުނު މި ބޯޓު ބަލައިފާސް ކުރުމުން ބޯޓުން ވަނީ ގިނަ އަދަދެއްގެ ޑްރަގް ފެނިފައެވެ. މި ބޯޓުގައި އެވަގުތު ލަންކާއަށް ނިސްބަތްވާ ފަސް މީހަކު ތިބިއިރު، އެއީ ފިރިހެނުންނެވެ.
މި ބޯޓު ތެރެއިން 344 ކިލޯގެ މެތް، އަދި 124.6 ކިލޯގެ ކޮކެއިން ފެނިފައިވެއެވެ. މި އޮޕަރޭޝަނާއި ގުޅިގެން ރައީސް މުއިއްޒު ކުރެއްވި ޕޯސްޓެއްގައި ވިދާޅުވީ، މިއަދުގެ ވަގުތެއްގައި ރާއްޖޭގެ ސަލާމަތީ ޚިދުމަތްތަކުން 468.6 ކިލޯގްރާމުގެ މަސްތުވާތަކެތި ރާއްޖޭގެ ކަނޑުގެ ސަރަހައްދުން އަތުލައިގެންފައިވާ ކަމަށެވެ. އަދި މިތަކެތީގެ މަގުމަތީ އަގަކީ ގާތްގަނޑަކަށް އެއް ބިލިއަން ދިވެހި ރުފިޔާކަމަށްވާއިރު، ރާއްޖެ މަސްތުވާތަކެތިން އެއްކޮށް ސަލާމަތްކުރުމަކީ އެންމެ އިސްކަންދޭ އެއްކަންތައް ކަމަށް ރައީސް ވިދާޅުވިއެވެ.
މިއަދުގެ ވަގުތެއްގައި ރާއްޖޭގެ ސަލާމަތީ ޚިދުމަތްތަކުންވަނީ 468.6 ކިލޯގްރާމުގެ މަސްތުވާތަކެތި ރާއްޖޭގެ ކަނޑުގެ ސަރަހައްދުން އަތުލައިގެންފައި. މިތަކެތީގެ މަގުމަތީ އަގަކީ ގާތްގަނޑަކަށް އެއް ބިލިއަން ދިވެހި ރުފިޔާ. ދިވެހިރާއްޖެ މަސްތުވާތަކެތިން އެއްކޮށް ސަލާމަތްކުރުމަކީ އަޅުގަނޑުމެން… pic.twitter.com/hL8Oz2tg9u
— Dr Mohamed Muizzu (@MMuizzu) November 24, 2024
“ޤާނޫނު ތަންފީޒުކުރާ މުއައްސަސާތަކުން މިދާއިރާއިން ކުރަމުންގެންދާ ބުރަމަސައްކަތް ފާހަގަކޮށް އެފަރާތްތަކަށް ޝުކުރު ދަންނަވަން،”. ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0