Read Time:3 Minute, 45 Second
ފޮޓޯ ކްރެޑިޓްސް: ވަގުތު
ރިޔާސީ ދައުރު ފަށާ ދުވަހަކީ ނޮވެންބަރު މަހުގެ 11ވަނަ ދުވަހަށް ހެދުމަށް ރައްޔިތުންގެ ފެންނަ ނުފެންނަ ވޯޓަކަށް އެހުމަށް ހަމަޖެހިފައިވާ ކަމަށް ބަންޑާރަނައިބު އަޙްމަދު އުޝާމް ވިދާޅުވެއްޖެއެވެ. ސަރުކާރަށް އެއް އަހަރުގެ ފުރުމުގެ މުނާސަބަތުގައި ޕީއެސްއެމް ނިއުސްއަށް ދެއްވި އިންޓަވިއުއެއްގައި އޭނާ ވިދާޅުވީ ރައީސުލްޖުމްހޫރިއްޔާ ޑރ. މުޙައްމަދު މުޢީއްޒު ބޭނުންފުޅުވާ ގޮތަކީ ޒަމާނުންސުރެން ރާއްޖޭގައި ކަންހިންގަމުން އައިގޮތަށް، ރިޔާސީ ދައުރު ބަދަލުވާ ތާރީހަކީ ނޮވެންބަރު މަހުގެ 11ވަނަ ދުވަސް ކަމަށް ކަނޑައަޅަން ކަމަށެވެ.
އުޝާމް ވިދާޅުވީ ގާނޫނުއަސާސީއަށް އިސްލާހެއް ނުގެނެސް މިބަދަލު ގެނެވެން ނެތް ކަމަށާއި ގާނޫނުއަސާސީ ބުނާގޮތުން ވެރިކަމުގެ ދައުރު ބަދަކުރާކަމުގައިވާނަަމަ ރައްޔިތުންގެ ފެންނަ ނުފެންނަ ވޯޓަކަށް ދާންޖެހޭ ކަމުގައެވެ. އުޝާމް ވިދާޅުވީ ގާނޫނުއަސާސީގައި ބުނަނީ ރިޔާސީ ދައުރަކީ ފަސް އަހަރު ދުވަސް ކަމަށާއި، އެދައުރުން އެންމެ ދުވަހެއް އުނިކުރާ ކަމުގައިވާ ނަމަވެސް ގާނޫނީ ގޮތުން ސައްހަ ގޮތަކީ ރައްޔިތުންގެ ފެންނަ ނުފެންނަ ވޯޓަކަށް ގޮސްގެން ގާނޫނުއަސާސީ އިސްލާހްކޮށްގެން ކުރިއަށް ދިއުން ކަމަށެވެ. އެހެންކަމުން، މިކަމުގައި ގާނޫނުއަސާސީ އިސްލާހްކުރުމަށްޓަކައި ރައްޔިތުންގެ ފެންނަ ނުފެންނަ ވޯޓަކަށް އަހާނެ ކަމަށާއި، އަދި ރައްޔިތުން އެކަމަށް ތާއިދުކުރައްވައިފި ކަމުގައިވާނަމަ، 2028 ވަނަ އަހަރު ރިޔާސީ ދައުރު ފެށޭނީ ނޮވެމްބަރު 11 ވަނަ ދުވަހު ކަމުގައި އުޝާމް ވިދާޅުވިއެވެ.
2013 ވަނަ އަހަރު ބޭއްވި ރިޔާސީ އިންތިހާބުގައި ކުރީގެ ރައީސް އަބްދުﷲ ޔާމީން ހުވާކުރެއްވީ ނޮވެމްބަރު 17 ވަނަ ދުވަހުގައެވެ. އޭގެ ފަހުން އައި ކޮންމެ ދައުރެއް ފަށާފައިވަނީ ނޮވެމްބަރު 17 ވަނަ ދުވަހުގައެވެ. ރިޔާސީ ދައުރު ފެށޭ ތާރީޙު ބަދަލުވެގެންދިޔައީ 2013 ވަނަ އަހަރު ބޭއްވި ރިޔާސީ އިންތިހާބުގެ ފުރަތަމަ ބުރު ސުޕްރީމް ކޯޓުން ބާތިލުކުރުމުން އެ އަހަރުގެ ނޮވެމްބަރު 11 އަށް އާ ރައީސަކު އިންތިހާބު ނުކުރެވުމުގެ ސަބަބުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0