Read Time:2 Minute, 8 Second
ފޮޓޯ ކްރެޑިޓްސް: އެމްއެންޑީއެފް
ގަވައިދާ ހިލާފަށް ރާއްޖޭގެ ކަނޑުގެ ސަރަހައްދުގައި ހަރަކާތްތެރިވި މަސް ބޯޓެއް އަތުލައިގެންފިއެވެ. އެމްއެންޑީއެފުން ވިދާޅުވި ގޮތުގައި މި މަސް ބޯޓު އަތުލައިގަތީ އެމްއެންޑީއެފް ކޯސްޓްގާޑުން ހިންގި އޮޕަރޭޝަނެއްގައެވެ. މިއީ ކޮން ގައުމެއްގެ ބޯޓެއް ކަމެއް މި ބޯޓުގައި ތިބީ ކިތައް މީހުން ކަމެއް އަދި ބޯޓު އަތުލައިގަތީ ކޮން ސަރަހައްދަކުން ކަމެއް އެމްއެންޑީއެފުން އަދި ހާމައެއް ނުކުރެއެވެ.
އެކަމަކު ބެލެވޭ ގޮތުގައި މިއީ އިންޑިއާ ނޫނީ ސްރީލަންކާ ހިސާބުގެ ބޯޓަށް ވުން ގާތެވެ. އެއީ މި ބޯޓުގެ ސިފަތަކާ އެ ގައުމުގެ މީހުން ބޭނުން ކުރާ ބޯޓުތަކުގެ ސިފަ އާ އެއްގޮތް ގޮތެއް ހުރުމުންނެވެ. އެމްއެންޑީއެފުން ހަމައެކަނި ހާމަކުރީ އެ ބޯޓުގެ ފޮޓޯއެކެވެ.
މި މަހުގެ 16 ވަނަ ދުވަހު ރާއްޖޭގެ ކަނޑުގެ ސަރަހައްދުގައި ގާނޫނާ ހިލާފަށް ހަރަކާތްތެރިވި ބޯޓެއް ވެސް އެމްއެންޑީއެފުން ވަނީ އަތުލައިގެންފައެވެ. މި ބޯޓު އަތުލައިގެންފައިވަނީ އެމްއެންޑީއެފްގެ އެއާ ކޯގައި ހިމެނޭ ޑްރޯން ބޭނުންކޮށްގެންނެވެ. މިއީ ޑްރޯން ބޭނުންކޮށްގެން މިފަދަ އުޅަނދެއް އަތުލައިގަތް ފުރަތަމަ ފަހަރެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0