Read Time:2 Minute, 34 Second
އެމްއެންޔޫ އާއި އައިޔޫއެމްގެ ދަރިވަރުން އިސްނަގައިގެން ބާއްވާ ފަލަސްތީނު ފޯރަމް މިރޭ ބާއްވަން ނިންމައިފިއެވެ. މި ފޯރަމަކީ އިސްލާމިކް ޔުނިވަސިޓީ (އައިޔޫއެމް) އާއި ގައުމީ ޔުނިވަސިޓީ (އެމްއެންޔޫ)ގެ ދަރިވަރުންގެ ޔޫނިއަން ގުޅިގެން އިންތިޒާމުކުރާ ފޯރަމަކެވެ.
މި ފޯރަމްގެ ޕެނަލިސްޓުންގެ ގޮތުގައި ބައިވެރިވެވަޑައިގަންނަވާނީ އެމްއެންޔޫގެ ޝަރީއާ އެންޑް ލޯ ފެކަލްޓީގެ ޑީން ޑރ. އަބްދުއްސައްތާރު އަބްދުއްރަހުމާނާއި އެމްއެންޔޫގެ ސެންޓަ ފޯ ފައުންޑޭޝަން ސްޓަޑީސްގެ ލެކްޗަރާ މުހައްމަދު ދީދީގެ އިތުރުން ކުއްލިއްޔާގެ ލެކްޗަރާ ޝެއިހް އަލީ ރިޒާ އަހުމަދެވެ. “އެކަޑެމިކް ފޯރަމް އޮން ފަލަސްތީން”ގެ ނަމުގައި ބާއްވާ ފޯރަމް ފަށަން ހަމަޖެހިފައި ވަނީ މިރޭ 8:00 ގައެވެ. ފޯރަމް އޮންނާނީ އެމްއެންޔޫގެ އޮޑިޓޯރިއަމްގައެވެ.
މިދިޔަ އޮކްޓޯބަރު މަހުގެ 7 ވަނަ ދުވަހުން ފެށިގެން ނިރުބަވެރި އިސްރާއީލުން ދެމުން އަންނަ ހަމަލާތަކުގައި މިހާރު މުޅި ޣައްޒާ ވަނީ ސުންނާފަތިކޮށްލައިފައެވެ. އަދި އެތަނުގައި މީހުންނަށް އަލުން ދިރިނޫޅެވޭ ވަރު ކުރަމުން ދަނީ ފަލަސްތީނުގެ ދައުލަތެއް އުފެއްދުމަށް ހުރަސް އެޅުމަށް ކަމަށް މާހިރުން ވިދާޅުވެއެވެ. އެ ހަމަލާތަކުގައި 44،700 މީހުން ޝަހީދުކޮށްލާފައިވާއިރު، 17،000 އަށް ވުރެ ގިނަ ކުޑަކުދިން އޭގެ ތެރޭގައި ހިމެނެއެވެ. އަދި 11،000 އަށް ވުރެ ގިނަ މީހުން ވަނީ ވީނުވީއެއް ނޭނގި ގެއްލިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0