Read Time:4 Minute, 1 Second
ފޮޓޯ ކްރެޑިޓްސް: ވަގުތު
ސަރުކާރު ހިންގާ މައި ޕާޓީ، ޕީއެންސީގެ އެތެރޭގެ އިންތިހާބު ކާމިޔާބު ކުރެއްވި ހުރިހާ ބޭފުޅުންނަށް ރައީސް ޑރ. މުހައްމަދު މުއިއްޒު މިއަދު ޝުކުރު ދަންނަވައިފިއެވެ. ރައީސް ޑރ. މުއިއްޒު، “އެކްސް” ގައި ކުރެއްވި ޕޯސްޓެއްގައި ވިދާޅުވީ ކޮންގްރެސް ޕާޓީގެ އެތެރޭގެ އިންތިހާބު ކާމިޔާބު ކުރެއްވި ބޭފުޅުންނަށް މަރުހަބާ ދަންނަވާ ކަމަށެވެ. އަދި އެކި މަގާމުތަކަށް ވާދަކުރެއްވި ކެންޑިޑޭޓުންނާއި އިންތިހާބުގެ އިންތިޒާމުތަކުގައި އުޅުއްވި ހުރިހާ ބޭފުޅުންނަށް އެމަނިކުފާނު ޝުކުރު އަދާކުރެއްވިއެވެ.
— Dr Mohamed Muizzu (@MMuizzu) November 23, 2024
އަދި ޕީއެންސީގެ އިންތިހާބުގައި ވޯޓު ދެއްވި ހުރިހާ މެމްބަރުންނަށް ވެސް ރައީސް ޑރ. މުއިއްޒު ޝުކުރު ދެންނެވިއެވެ. ޕީއެންސީގެ އެތެރޭގެ އިންތިހާބު ބޭއްވީ މިއަދު ހެނދުނު 10:00 އިން ފެށިގެން މެންދުރު ފަހު 2:00 އަށެވެ. ބައެއް ވޯޓު ފޮށިތަކުގައި ވޯޓުލުން ކަނޑައެޅިފައިވާ ވަގުތަށް ފެށިފައި ނުވާތީ އެ ތަންތަނުގެ ވޯޓުލުން އެއަށް ވުރެ ގިނައިރު ވެސް ކުރިއަށް ދިޔައެވެ.
އެ އިންތިހާބުގައި ދާއިރާތަކުގެ ރައީސުންނާއި ނައިބު ރައީސުންނާއި ސްޓިއަރިން ކޮމިޓީ ފަދަ ރަށްރަށުގައި ހިންގާ ހަރަކާތްތަކުގެ އެކި މަގާމުތަކަށް މީހުން އިންތިހާބުކުރިއެވެ. ދާއިރާއެއްގެ ރައްޔިތުންގެ މަޖިލިސް މެމްބަރު ހުންނަ ނަމަ، އެ ދާއިރާއެއްގެ ރައީސެއް އިންތިހާބު ނުކުރާނެއެވެ. އެ ދާއިރާތަކަށް އިންތިހާބު ކުރާނީ ދާއިރާގެ ނައިބު ރައީސުންނާއި އެހެނިހެން މަގާމުތަކަށެވެ. މީގެއިތުރުން ކޮންމެ ދާއިރާއެއްގެ ޒުވާނުންގެ ހަރަކާތުގެ ރައީސް އާއި އަންހެނުންގެ ހަރަކާރުގެ ރައީސް އަދި ސިޓީތަކުގެ ކޮންމެ ދާއިރާއަކުން ޒުވާނުންގެ ހަރަކާތުގެ ރައީސް އާއި އަންހެނުން ހަރަކާތުގެ ރައީސުން އިންތިހާބު ކުރާނެއެވެ.
ޕީއެންސީން ބުނި ގޮތުގައި އެތެރޭގެ އިންތިހާބުގައި 1،984 މަގާމަކަށް ބޭފުޅުން އިންތިހާބު ކުރާނެއެވެ. އޭގެ ތެރޭގައި އިންތިހާބަކާ ނުލައި ހޮވިވަޑައިގެންނެވި ބޭފުޅުން ވެސް ހިމެނިވަޑައިގަންނަވާ އިރު، މިއަދު ބޭއްވި އިންތިހާބުގައި 667 ކެންޑިޑޭޓުން ވާދަކުރިއެވެ. ޕީއެންސީން ކުރިން ހާމަކުރި ގޮތުގައި މިއީ ސިޔާސީ ޕާޓީއަކުން މިހާތަނަށް ބާއްވާ އެންމެ ބޮޑު އެތެރޭގެ އިންތިހާބެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0