Read Time:1 Minute, 52 Second
(ފޮޓޯ ކްރެޑިޓްސް: ފުލުހުންގެ އިދާރާ)
ފުވައްމުލަކުގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާ ކަމުގެ ތުހުމަތުގައި، އަހުމަދު ނިއުޝާދާއި ހަސަން އާޒިމް ރޭ އަލުން ހައްޔަރުކޮށްފިއެވެ. މި ދެ މީހުން މީގެ ކުރިން ބަންދުން ދޫކޮށްލާފައި ވަނިކޮށް އަލުން ހައްޔަރުކުރީ ހެއްކަށް ނުފޫޒު ފޯރުވަފާނެ ކަމަށް ބެލެވޭތީއެވެ. މި މީހުންގެ މައްޗަށް ކުށްކުރާ ޖަމާއަތެއްގައި ބައިވެރިވުމާއި މަނީ ލޯންޑަރިންގެ ދައުވާ އުފުލާފައިވާއިރު، ނިއުޝާދުގެ އެކައުންޓަށް 21 މިލިއަން އަދި އާޒިމްގެ އެކައުންޓަށް 5 މިލިއަނަށް ވުރެ ގިނަ ރުފިޔާ ޖަމާވެފައިވާ ކަމަށް ތަހުގީގުން ދައްކައެވެ. މީގެ އިތުރުން މި މައްސަލައާ ގުޅުންހުރި ގިނަ އަދަދެއްގެ ފައިސާއާއި، އުޅަނދުފަހަރު އަދި ދޫނިތަކެއް ދައުލަތަށް ނަގައިދިނުމަށް ޕީޖީ އޮފީހުން ވަނީ އެދިފައެވެ. ފުލުހުންގެ ތަހުގީގުން އެނގޭ ގޮތުގައި މި ދެ މީހުން އިސްވެ ތިބެ ފުވައްމުލަކުގައި މަސްތުވާތަކެތި ވިއްކުމުގެ ބޮޑު ނެޓްވޯކެއް ހިންގާފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0