Read Time:2 Minute, 34 Second
(ފޮޓޯ ކްރެޑިޓްސް: އެމްޕީއެލް)
މެދުއިރުމަތީގެ ހަނގުރާމައިގެ ސަބަބުން ކަނޑުދަތުރުފަތުރަށް ހުރަސް އެޅި، ދުނިޔޭގެ ބާޒާރުގައި ތަކެތީގެ އަގު އުފުލެމުންދާއިރު، ރާއްޖޭގެ އިޤްތިޞާދަށް ކުރާނެ ނޭދެވޭ އަސަރުތައް ކުޑަކުރުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ. މިގޮތުން، މެދުއިރުމައްޗަށް ބަރޯސާވުން ކުޑަކޮށް، އިރުމަތީ އޭޝިއާގެ ޤައުމުތައް ކަމަށްވާ މެލޭޝިއާ، ތައިލޭންޑް، ވިއެޓްނާމް އަދި އިންޑޮނޭޝިއާ ފަދަ އައު މާކެޓުތަކުން މުދާ ހޯދުމަށް ސަރުކާރުން ވަނީ އަމާޒު ހިފާފައެވެ. އަދި ޗައިނާއާއެކު އޮތް މިނިވަން ވިޔަފާރީގެ އެއްބަސްވުމާއި، އަވަށްޓެރި އިންޑިއާއާއެކު އޮތް ވިޔަފާރީގެ ގާތް ގުޅުމަކީ ކާބޯތަކެތީގެ ރައްކާތެރިކަން ކަށަވަރުކުރުމަށް ލިބޭ ބޮޑު ބާރެއްކަމަށް ސަރުކާރުން ދެކެއެވެ.
ރާއްޖެއަށް ބޭނުންވާ ތެޔޮ އެތެރެކުރަނީ އޮމާން މެދުވެރިކޮށް ކަމަށްވުމުން، ހަނގުރާމައިގެ ސަބަބުން ތެޔޮ ސަޕްލައިއަށް ބުރޫ ނާރާނެ ކަމުގެ ޔަޤީންކަން ސަރުކާރުން ދެއެވެ. ބައިނަލްއަޤްވާމީ ބާޒާރުގައި ތަކެތީގެ އަގު އުފުލުނު ނަމަވެސް، ރާއްޖެއަށް ބޭނުންވާ އަސާސީ މުދާ މެދުނުކެނޑި ލިބޭނެ އިންތިޒާމުތައް ވަނީ ހަމަޖައްސާފައެވެ. ސަރުކާރުގެ މައިގަނޑު އަމާޒަކީ ދުނިޔެއަށް އަންނަ އިޤްތިޞާދީ ލޮޅުންތަކުން ދިވެހި ރައްޔިތުންނަށް ކުރާ އަސަރު ވީހާވެސް ކުޑަކޮށް، ކޮންމެ ހާލަތަކަށްވެސް ތައްޔާރުވެ އޮތުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0