Read Time:1 Minute, 49 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން ބެއިޖިން އަރބަން ކޮންސްޓްރަކްޝަން ގްރޫޕް (ބީޔޫސީޖީ) އާ ހަވާލުކޮށްގެން ހުޅުމާލޭގައި ތަރައްގީކުރާ 1,190 ހައުސިން ޔުނިޓުގެ ބިންގާ އަޅައިފިއެވެ. މި ރަސްމިއްޔާތުގައި ބީޔޫސީޖީގެ ޗެއާމަންގެ ހާއްސަ މަންދޫބު ޖަންގ-ޝިއާއޯ-ޝުއެން ވިދާޅުވީ، މިއީ ރައީސް ޑރ. މުއިއްޒުގެ ލީޑަޝިޕްގެ ދަށުން ރައްޔިތުންނަށް ޒަމާނީ އަދި އަގުހެޔޮ ބޯހިޔާވަހިކަން ފޯރުކޮށްދިނުމަށް ކުރެވޭ މުހިންމު މަސައްކަތެއް ކަމަށެވެ. އަދި މި މަޝްރޫއުގެ ސަބަބުން މާލެ ސަރަހައްދުގެ ބޯހިޔާވަހިކަމުގެ އަގުތަކަށް ލުޔެއް ލިބި، ދިރިއުޅުމުގެ ފެންވަރު މަތިވާނެ ކަމަށް އޭނާ ފާހަގަކުރެއްވިއެވެ. މީގެ ކުރިން ވެސް ރާއްޖޭގައި އެއާޕޯޓް ރަންވޭ އާއި ސީޕްލޭން ޓާމިނަލް ފަދަ ބޮޑެތި މަޝްރޫއުތައް ކާމިޔާބުކަމާއެކު ނިންމާފައިވާ ބީޔޫސީޖީން ވަނީ ދިވެހި ސަރުކާރުން އެ ކުންފުންޏަށް ކުރާ އިތުބާރަށް ޝުކުރު އަދާކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0