Read Time:2 Minute, 27 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ބޭންކް އޮފް މޯލްޑިވްސްގެ ސީއީއޯ މުޙައްމަދު ޝަރީފް ވިދާޅުވި ގޮތުގައި ގައުމީ ބޭންކެއްގެ އެންމެ މުހިންމު ޒިންމާއަކީ ހަމައެކަނި މާލީ ފައިދާ ހޯދުމުގެ ބަދަލުގައި، ރައްޔިތުންގެ ދިރިއުޅުމުގެ ފެންވަރު މަތިކޮށް ގައުމުގެ އިޖުތިމާއީ އަދި އިގްތިސާދީ ތަރައްގީއަށް ބޭނުންވާ މަޝްރޫއުތަކަށް އިންވެސްޓްކުރުމެވެ. ހުޅުމާލޭގައި އަޅާ “އެފޯޑަބަލް ހައުސިންގ” މަޝްރޫއުގެ ބިންގާ އެޅުމުގެ ރަސްމިއްޔާތުގައި ވާހަކަދައްކަވަމުން އޭނާ ފާހަގަކުރެއްވީ، މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމާއެކު ދިވެހި އާއިލާތަކަށް އަތްފޯރާފަށުގައި ބޯހިޔާވަހިކަން ހޯދައިދިނުމަށް ފެށިގެން ކުރިއަށްދާ ވަރަށް އުންމީދީ މަޝްރޫއެއް ކަމަށެވެ. ބީއެމްއެލް އިން މި މަޝްރޫއުގައި ބައިވެރިވަނީ ގައުމީ ޒިންމާއެއްގެ ގޮތުގައި ދެކިގެން ކަމަށާއި، މި މަޝްރޫއުގެ ދަށުން އަޅާ 3,260 ހައުސިން ޔުނިޓުގެ ތެރެއިން ގިނަ ޔުނިޓްތަކެއްގެ މަސައްކަތް މިހާރު ފެށިފައިވާކަން ސީއީއޯ ހާމަކުރެއްވިއެވެ. އަދި ރައްޔިތުންނަށް ބޯހިޔާވަހިކަން ކަށަވަރުކޮށްދިނުމަށް ސަރުކާރުން ކުރާ މި މަސައްކަތުގެ ސަބަބުން ރައްޔިތުންނަށް މާލީ ތަނަވަސްކަން ލިބި، އޭގެ ހެޔޮ އަސަރު ބޭންކަށާއި މުޅި އިގްތިސާދަށް ކުރާނެ ކަމަށްވެސް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0