Read Time:2 Minute, 3 Second
ރިޔާސީ އިންތިހާބާއި މަޖިލިސް އިންތިހާބު އެއް ދުވަހެއްގައި ބޭއްވުމަކީ ސިޔާސީ ހަލަބޮލިކަމުގައި ވަގުތު ބޭކާރުވިޔަނުދީ، ރައްޔިތުންނަށް ދޭންޖެހޭ ހިދުމަތްތައް އަވަސްކުރުމަށް މުހިއްމު ކަމެއް ކަމަށް ހައުސިން މިނިސްޓަރު ޑރ. އަބްދުﷲ މުއްތަލިބު ވިދާޅުވެއްޖެއެވެ. މިނިސްޓަރު ފާހަގަކުރެއްވި ގޮތުގައި، ސަރުކާރު ބަދަލުވާއިރު އޮންނަ ދައުރު ހަމަވާން ކައިރިވެފައިވާ މަޖިލީހަކުން، ސަރުކާރުގެ އެޖެންޑާއަށް ބެލުމެއްނެތި ނިންމާ ނިންމުންތަކުގެ ސަބަބުން މަޝްރޫއުތައް ހިންގުމަށް ބޮޑެތި ހުރަސްތަކެއް ކުރިމަތިވެއެވެ. ހާއްސަކޮށް ކުރީ ސަރުކާރުން އެކުލަވާލި ބަޖެޓެއްގެ ސަބަބުން މި ސަރުކާރުގެ ފުރަތަމަ އަހަރުގެ މަސައްކަތްތަކަށް ލަސްތަކެއް އައިސް، އޭގެ ގެއްލުން ރައްޔިތުންނަށް ފޯރާފައިވާކަން އޭނާ ފާހަގަކުރެއްވިއެވެ. އެހެންކަމުން، ގާނޫނުއަސާސީއަށް ގެންނަން އުޅޭ މި ބަދަލަކީ ސިޔާސީ ނަފްރަތާއި ހުރަސްތަކުން ދުރުވެ، ބޯހިޔާވަހިކަމާއި ތަރައްގީގެ މަޝްރޫއުތައް ހުއްޓުމެއްނެތި ކުރިއަށް ގެންދިއުމަށް މަގުފަހިވާނެ ކަމެއް ކަމަށް މިނިސްޓަރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0