Read Time:3 Minute, 56 Second
ފޮޓޯ ކްރެޑިޓްސް: ޗައިނާ ސަފީރު
މާލެ އާއި ވިލިމާލެ މަގު އަލުން ހެދުމުގެ ސައިޓް އިންސްޕެކްޝަން އެންޑް ފީސިބިލިޓީ ސްޓަޑީ ހެދުމުގެ މަސައްކަތް ނިންމާލައިފިއެވެ. މާލެ އާއި ވިލިމާލޭގެ މަގުތައް ހެދުމަށް ސާވޭ ކުރުމަށް ޗައިނާގެ ޓީމް ރާއްޖެ އައީ މި މަހުގެ ތިން ވަނަ ދުވަހެވެ. އެ ޓީމުން މާލޭ އާއި ވިލިމާލޭގެ މަގުތަކުގެ ހާލަތު ބަލައި ސާވޭއަށް ބޭނުންވާ މުހިންމު މައުލޫމާތުތައް އެއްކުރުމުގެ މަސައްކަތް ފެށީ މި މަހުގެ ފަސް ވަނަ ދުވަހެވެ. އަދި އެ މަސައްކަތް މިއަދުގެ ނިޔަަލަށް ކުރިއަށް ގެންގޮސްފައި ވެއެވެ.
ފޮޓޯ ކްރެޑިޓްސް: އިމާރާތްކުރުމާއި ބިނާރާ ބެހޭ ވުޒާރާ
އިމާރާތްކުރުމާއި ބިނާރާ ބެހޭ ވުޒާރާއިން ވިދާޅުވީ، މާލެ އާއި ވިލިމާލޭގެ މަގުތައް އަލުން ހެދުމުގެ ގެ އަމަލީ މަސައްކަތް މިހާރު ފެށިފައިވާއިރު، މުހިންމު ފަރާތްތަކާއެކު ސިލްސިލާކޮށް ބޭއްވި ބައްދަލުވުންތަކަށްފަހު، ޗައިނާ ސަރުކާރުން އެކުލަވާލި ތަޖުރިބާކާރުން މަގުމަތީގެ ހާލަތު ދެނެގަތުމުގެ މަސައްކަތް ނިންމާލާފައިވާ ކަަމަށެވެ.
މި މުއްދަތުގެ ތެރޭގައި އެ ޓީމުން ވަނީ އެ ވުޒާރާގެ ޓެކްނިކަލް ޓީމާ އެކު މާލެ އާއި ވިލިމާލެ މަގުގެ ފީސިބިލިޓީ ސްޓަޑީގެ މަސައްކަތް ކޮށްފައެވެ.
ފޮޓޯ ކްރެޑިޓްސް: އިމާރާތްކުރުމާއި ބިނާރާ ބެހޭ ވުޒާރާ
މި މަޝްރޫއުގެ ދަށުން ދެން އޮންނާނީ ޑިޒައިނިން މަރުހަލާއެވެ. އެކަން ފެށޭނެ ތާރީހެއް އަދި އެ ވުޒާރާއިން ހާމަކޮށްފައެއް ނުވެއެވެ. މާލޭގެ ހުރިހާ މަގުތަކެއް އަލުން ހެދުމުގެ މަސައްކަތް ކުރިއަށްދަނީ ޗައިނާ ސަރުކާރުގެ ހިލޭ އެހީގެ ދަށުންނެވެ. މި މަޝްރޫއު ކުރިއަށް ގެންދަނީ އެ ގައުމާ އެކު ސޮއިކުރެއްވި އެއްބަސްވުންތަކުގެ ދަށުން ފޯރުކޮށްދޭން ނިންމި 130 މިލިއަން ޑޮލަރުގެ ހިލޭ އެހީގެ ދަށުންނެވެ.
ފޮޓޯ ކްރެޑިޓްސް: އިމާރާތްކުރުމާއި ބިނާރާ ބެހޭ ވުޒާރާ
މާލޭގެ މަގުތައް ވަރަށް ބޮޑަށް ހަލާކުވެ އަޑިގުޑަން ވެފައިވާއިރު ވާރޭ ވެހިލާއިރަށް އެ މަގުތައް ވަރަށް ބޮޑަށް ފެންބޮޑުވެއެވެ. ރައީސް ޑރ. މުހައްމަދު މުއިއްޒު ވިދާޅުވެފައިވާ ގޮތުގައި ޗައިނާއިން ޒަމާނީ ފެންވަރަށް މަގުތަށް އަލުން މަރާމާތްކޮށް ނިމުމުން ފެންބޮޑުވުމުގެ މައްސަލައަށް ވެސް ހައްލެއް ލިބިގެންދާނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0