Read Time:2 Minute, 17 Second
(ފޮޓޯ ކްރެޑިޓްސް: ފުލުހުންގެ ޙިދުމަތް)
ދިވެހި ފުލުހުންގެ ޚިދުމަތަކީ 1933 މާރޗް 29 ގައި ރާއްޖޭގެ ފުރަތަމަ ޤާނޫނުއަސާސީގެ ދަށުން ފެށުނު، 93 އަހަރުވީ ދުވަސްވީ މުއައްސަސާއެކެވެ. އެންމެ 120 މީހުންނާއެކު މާލޭގައި ފެށި މި ޚިދުމަތް، ސިފައިންގެ ބައެއްގެ ގޮތުގައި ގިނަ ދުވަސްތަކެއް ވަންދެން އޮތުމަށްފަހު، މަދަނީ ޚިދުމަތެއްގެ ގޮތުގައި ސިފައިންނާ ވަކިވީ 2004 ވަނަ އަހަރުއެވެ. އަތޮޅުތެރެއަށް މި ޚިދުމަތް ފުޅާވާން ފެށީ 1993 ގައި ސ. ގަމުން ކަމަށްވާއިރު، މިއަދު ރާއްޖޭގެ މީހުން ދިރިއުޅޭ ހުރިހާ ރަށެއްގައި ފުލުހުންގެ ޚިދުމަތް ވަނީ ޤާއިމުކުރެވިފައެވެ.
ފުލުހުންގެ މައިގަނޑު މަސްއޫލިއްޔަތަކީ މުޖުތަމަޢުގެ އަމާންކަން ބެލެހެއްޓުމާއި، މީހުންނާއި މުދާ ރައްކާތެރިކުރުމުގެ އިތުރުން ޖިނާއީ ކުށްތައް ތަޙްޤީޤުކޮށް ޤާނޫނު ނެގެހެއްޓުމެވެ. މި ޒިންމާތައް އަދާކުރުމަށްޓަކައި ޒަމާނީ ވަސީލަތްތަކާއެކު ޚާއްޞަ ސެންޓަރުތައް އުފައްދައި، ނެއިބަރހުޑް ޕޮލިސިންގ ފަދަ ރައްޔިތުންނާ ގާތުން ޚިދުމަތްދޭ ނިޒާމުތައް މިހާރު ވަނީ ތަޢާރަފުކޮށްފައެވެ. ފުލުހުންގެ އެންމެ ބޮޑު އަމާޒަކީ ރައްޔިތުންގެ އިތުބާރު ދަމަހައްޓައި، ކޮންމެ މީހަކަށްވެސް ރައްކާތެރި އަމާން މުޖުތަމަޢެއް ކަށަވަރުކޮށްދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0