Read Time:3 Minute, 11 Second
(ފޮޓޯ ކްރެޑިޓްސް: ރައީސް އޮފީސް)
ގިރާވަރުފަޅު ހިއްކުމުގެ މަޝްރޫޢުގެ ބޮޑު ބައެއް މިހާރު ވަނީ ނިމިފައެވެ. މި މަޝްރޫޢުގެ ދަށުން ޖުމްލަ 167.15 ހެކްޓަރުގެ ބިން ހިއްކުމަށް ހަމަޖެހިފައިވާއިރު، މިހާތަނަށް 105 ހެކްޓަރު ވަނީ ހިއްކައި ނިމިފައެވެ. އެމް.އޭ.ސީ.އެލް އާ ހަވާލުކޮށްގެން ކުރިއަށްގެންދާ މި މަސައްކަތުގެ ދަށުން، ނުހިއްކާ އޮތް 97.15 ހެކްޓަރުގެ ތެރެއިން 35 ހެކްޓަރު މިހާރު ވަނީ ފެނުން މައްޗަށް އަރުވާފައެވެ. ސަރުކާރުގެ އަމާޒަކީ ކުރިއަށް އޮތް ތިން ހަފުތާ ތެރޭގައި ބިން ހިއްކުމުގެ މަސައްކަތް އެއްކޮށް ނިންމާލުމެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ވަނީ ގިރާވަރުފަޅަށް ވަޑައިގެން މަސައްކަތް ކުރިއަށްދާ ގޮތް ބައްލަވާލައްވާފައެވެ. ހައުސިންގ މިނިސްޓަރު ޑރ. ޢަބްދުﷲ މުއްތަލިބު ވިދާޅުވި ގޮތުގައި، ބިން ހިއްކާ ނިމުމާއެކު ސާވޭގެ މަސައްކަތްތައް ނިންމައި، ވީހާވެސް އަވަހަށް ގޯތިތައް ހަވާލުކުރަން ފަށާނެއެވެ. އެގޮތުން އަންނަ ޖޫން މަހުގެ ތެރޭގައި ގޯތި ހަވާލުކުރުމުގެ މަސައްކަތް ފެށުމަށް ވަނީ ތާވަލުކޮށްފައެވެ. އަދި ބިން ހިއްކައި ނިމުމުގެ ކުރިން ރަޖިސްޓްރީ ހެދުމުގެ މަސައްކަތް ފައްޓަވާނެ ކަމަށްވެސް މިނިސްޓަރު ވިދާޅުވިއެވެ.
މި މަޝްރޫޢު އަވަސްކުރުމަށްޓަކައި ދުނިޔޭގެ އެންމެ ބޮޑެތި ޑްރެޖަރުތައް ކަމަށްވާ “ކުއީން އޮފް ނެދަލޭންޑްސް” އާއި “އޮރެންޖް” ދަނީ ބޭނުންކުރަމުންނެވެ. ގިރާވަރުފަޅަކީ ނިސްބަތުން ފުން ސަރަހައްދަކަށް ވުމުން، ބިން ހިއްކުމަށް ގިނަ އަދަދެއްގެ ވެލި ބޭނުންވާކަން އެމް.އޭ.ސީ.އެލް އިން ފާހަގަކުރެއެވެ. މި ފަޅުން ޖުމްލަ 4,072 ގޯތި ދޫކުރުމަށް ވަނީ ނިންމާފައެވެ. މީގެ ތެރޭގައި 1,250 އަކަފޫޓާއި 2,450 އަކަފޫޓާ ދެމެދުގެ އެކި ސައިޒުގެ ގޯތިތައް ހިމެނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0