Read Time:1 Minute, 50 Second
ހުޅުމާލޭގައި ތަރައްޤީކުރާ ޒަމާނީ އިންޑޯ ފުޓްސަލް ކޮމްޕްލެކްސްގެ މަސައްކަތް ފެށުމަށް ތައްޔާރުވެފައިވާކަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ އިއުލާނުކުރައްވާފައެވެ. މި މަޝްރޫޢުގެ އެއްބަސްވުމުގައި ސޮއިކޮށް، ފައިނޭންސް ހަމަޖެހިފައިވާތީ، ދުނިޔޭގެ މަސްރަޙަށް އަންނަ ބަދަލުތަކާއެކުވެސް މި މަސައްކަތް ހުއްޓުމެއްނެތި ކުރިއަށްދާނެކަމުގެ ޔަގީންކަން ރައީސް ދެއްވިއެވެ. މި ކޮމްޕްލެކްސްގައި ބައިނަލްއަގްވާމީ މުބާރާތްތައް ކުޅެވޭ ފެންވަރުގެ ސްޓޭޑިއަމެއްގެ އިތުރުން، އިތުރު ހަތަރު ޕިޗާއި، ޓްރެއިނިންގ ރޫމްތަކާއި ކެފެޓީރިއާ ފަދަ ވަސީލަތްތައް ހިމެނޭނެއެވެ. މިއީ މާލެ ސަރަހައްދުގައި ފުޓްސަލް ކުޅޭ ޒުވާނުންނަށް ކުރިމަތިވެފައިވާ ޖާގައިގެ ދަތިކަމަށް ދާއިމީ ހައްލެއް ހޯދައިދިނުމަށާއި، ބައިނަލްއަގްވާމީ މައިދާނުގައި ރާއްޖޭގެ ފުޓްސަލް ޓީމަށް އިތުރު ކުރިއެރުން ހޯދައިދިނުމަށް އިސްކަންދީގެން ހިންގާ މުހިންމު މަޝްރޫޢެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0