Read Time:2 Minute, 20 Second
ޗާގޯސްގެ ޖަޒީރާ ރަށްތަކުގެ ސިޔާދަތީ ބާރު މޮރިޝަސްއާ ހަވާލުކުރަން އިނގިރޭސިވިލާތުން މަސައްކަތްކުރާ އެއްބަސްވުން ރާއްޖޭން ބަލައިނުގަންނާނެ ކަމަށް ދިވެހި ސަރުކާރުން ވަނީ ބުނެފަ އެވެ. ރައީސް ޑރ. މުހައްމަދު މުއިއްޒު ވިދާޅުވި ގޮތުގައި ތާރީހީ އަދި ސަގާފީ ގޮތުން ބަލާއިރު އެ ރަށްތަކުގެ މައްޗަށް ރާއްޖޭގެ ހައްގު މާ ބޮޑެވެ. އެހެންކަމުން އެއްވެސް ގައުމަކަށް އެތަން ހަވާލުކުރާ ނަމަ، އެތަން ހަވާލުކުރަން ޖެހޭނީ ރާއްޖެއާ ކަމަށާއި، މި މައްސަލައިގައި ބައިނަލްއަގުވާމީ ގާނޫނުތަކުގެ ތެރެއިން ކުރެވެން ހުރި ހުރިހާ މަސައްކަތެއް ކުރާނެ ކަމަށް އެމަނިކުފާނު ވިދާޅުވި އެވެ.
މި މައްސަލައިގައި އިނގިރޭސިވިލާތާ އެކު ރަސްމީކޮށް މަޝްވަރާކުރަން ރާއްޖޭން އެދިފައިވާއިރު، ކުރީގެ ސަރުކާރުން މޮރިޝަސްގެ ބޮޑުވަޒީރަށް ފޮނުއްވި ސިޓީފުޅު ވަނީ އަނބުރާ ގެންގޮސްފަ އެވެ. މީގެ އިތުރުން، މޮރިޝަސްއިން ބައިނަލްއަގުވާމީ ކޯޓުތަކުގައި ކުރި މަސައްކަތުގައި ރާއްޖޭގެ މަސްލަހަތު ހިމާޔަތްކުރުމަށް އިހުމާލުވި އޮފިޝަލުންގެ މައްސަލަ ބަލަން ރިޔާސީ ކޮމިޝަނެއް އުފައްދަން ވެސް ވަނީ ނިންމައިފަ އެވެ. ރާއްޖޭގެ މި ނިންމުންތަކާ ގުޅިގެން މޮރިޝަސްއިން ވަނީ ރާއްޖެއާ އޮންނަ ހާރިޖީ ގުޅުންތައް ސަސްޕެންޑުކޮށްފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0