Read Time:1 Minute, 54 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގެ އިންތިޚާބުތަކުގައި ވޯޓުލުމަކީ 18 އަހަރު ފުރިފައިވާ ކޮންމެ ދިވެއްސަކަށް ލިބިގެންވާ ގާނޫނީ ހައްގަކަށްވާއިރު، ވޯޓުލާ މީހާގެ ސައްޙަކަން ކަށަވަރުކުރަން ވަކި ލިޔެކިޔުންތަކެއް ބޭނުންވެއެވެ. މިހާރުގެ ޓެކްނޮލޮޖީއާއެކު ގިނަ ޚިދުމަތްތަކަށް “އީފާސް” މެދުވެރިކޮށް ޑިޖިޓަލް އައިޑީކާޑު ބޭނުންކުރެވުނު ނަމަވެސް، ވޯޓުލާ މަރުކަޒުތަކުގައި އެ ބޭނުމެއް ނުކުރެވެއެވެ. މީގެ މައިގަނޑު ސަބަބަކީ އިންތިޚާބުތަކާބެހޭ އާންމު ގާނޫނުގައި ވޯޓުލާ މަރުކަޒަށް އަޑާއި މަންޒަރު ރެކޯޑުކުރެވޭ ފަދަ އިލެކްޓްރޯނިކް ސާމާނު ވެއްދުން މަނާކޮށްފައި އޮތުމެވެ. އެހެންކަމުން، ޑިޖިޓަލް އައިޑީކާޑު ދައްކަން ފޯނު ބޭނުންކުރަން ޖެހޭތީ، މިހާރު އޮތް ގާނޫނީ އޮނިގަނޑުގެ ތެރެއިން އެ ފުރުސަތެއް ނޯވެއެވެ. ވޯޓުލާންދާއިރު އައިޑީކާޑު، ޕާސްޕޯޓު ނުވަތަ ލައިސަންސް ކާޑުގެ މުއްދަތު ހަމަނުވާ އަސްލު ގެންދިއުމަކީ ވޯޓުލުމުގެ ހައްގު ކަށަވަރުކުރުމަށް ކޮންމެހެން ކުރަންޖެހޭ ކަމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0