Read Time:2 Minute, 6 Second
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މި ދައުރު ނިމޭއިރު، ވިލިމާލެއަކީ ހުރިހާ ޚިދުމަތްތަކެއް ފުރިހަމަވެފައިވާ ތަރައްޤީގެ ރަށަކަށް ވެގެންދާނެ ކަމަށް އިމާރާތްކުރުމާއި ގެދޮރުވެރިކަމާ ބެހޭ ވަޒީރު ޑރ. ޢަބްދުﷲ މުއްތަލިބު ވިދާޅުވެއްޖެއެވެ. ވިލިމާލޭގައި 300 ހައުސިންގ ޔުނިޓް އެޅުމުގެ ބިންގާ އެޅުމަށް ބޭއްވި ރަސްމިއްޔާތުގައި ވަޒީރު ވިދާޅުވީ، ވިލިމާލެއަށް ދިމާވެފައިވާ ބޯހިޔާވަހިކަމުގެ ދަތިކަމާއި، ޞިއްޙީ ފަރުވާއާއި، ތަޢުލީމީ ދާއިރާގައި ހުރި ގޮންޖެހުންތަކަށް ޙައްލު ހޯދައިދިނުމަށް ސަރުކާރުން ގިނަ މަސައްކަތްތަކެއް ރާވާފައިވާ ކަމަށެވެ. މީގެ ތެރޭގައި ޓަރޝަރީ ފެންވަރުގެ ހޮސްޕިޓަލެއް އެޅުމާއި، 10 ބުރިއަށް އިމާރާތް ކުރުމުގެ ހުއްދަ ދިނުމާއި، މަގުތައް ހެދުމުގެ އިތުރުން ފެނާއި ކަރަންޓުގެ ޚިދުމަތް އިތުރަށް ފުރިހަމަކުރުން ހިމެނެއެވެ. ވަޒީރުގެ ވާހަކަފުޅުގައި، ސަރުކާރުގެ އަމާޒަކީ މާލެއާއި ހުޅުމާލެއެކޭ އެއްފަދައިން ވިލިމާލޭގެ ރައްޔިތުންނަށްވެސް ހަމަހަމަ ފުރުޞަތުތަކެއް ހޯދައިދީ، ރައްޔިތުންގެ ދިރިއުޅުމުގެ ފެންވަރު މަތިކުރުންކަން ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0