Read Time:2 Minute, 48 Second
ފޮޓޯ ކްރެޑިޓްސް: ވަގުތު
ނޮވެމްބަރު މަހުގެ ހަތް ވަނަ ދުވަހު އޮތް އިންފޮމޭޝަން ކޮމިޝަން އޮފީސް (އައިކޮމް)ގައި އޮތް އަޑުއެހުމެއް އެ ވުޒާރާގެ ފަރާތުން ނުދެވުނީ މުވައްޒަފެއްގެ އިހުމާލުން ކަމަށާއި، އެކަމާއި ގުޅިގެން އެ މުވައްޒަފަށް ފިޔަވަޅު އަޅާފައިވާނެ ކަމަށް ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާއިން ވިދާޅުވެއްޖެއެވެ. އެ ވުޒާރާއިން ނެރުނު ބަޔާނެއްގައި ވިދާޅުވީ، އެ ވުޒާރާގެ ހުރިހާ ކަންކަން ހާމަކަން ބޮޑު ގޮތެއްގައި އަދި ޖަވާބުދާރީކުރުވަނިވި ގޮތެއްގައި ކުރިއަށް ގެންދިއުމަށް، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން މައުލޫމާތު ހޯދުމަށް އެދި އެ ވުޒާރާއަށް ހުށަހަޅާފައިވާ ހުށަހެޅުންތަކާއި ގުޅިގެން އެ ވުޒާރާގެ މައުލޫމާތުތައް، ކަނޑައެޅިފައިވާ މުއްދަތުތަކުގައި ފޯރުކޮށްދިނުމަކީ އެ ވުޒާރާއިން ވަރަށް ބޮޑަށް އިސްކަން ދޭ ކަމެއް ކަމަށެވެ.
އަދި ނޮވެމްބަރު ހަތް ވަނަ ދުވަހުގައި އައިކޮމްގެ ފަރާތުން އެ ވުޒާރާ ޖޫރޮމަނާ ކުރުމަކީ އެ ވުޒާރާގެ މުވައްޒަފެއްގެ އިހުމާލުން ހިނގާފައިވާ ކަމެއް ކަމަށް އެ ބަޔާނުގައި ވެއެވެ. “އެހެންކަމުން އެ މުވައްޒަފާ ދޭތެރޭގައި ސިވިލް ސާވިސް ގަވާއިދުގައިވާ ގޮތުގެ މަތިން ފިޔަވަޅު އެޅުމުގެ ކަންކަން ކުރިއަށް ގެންދެވިފައިވާ ވާހަކަ ދަންނަވަމެވެ،”. އެ ބަޔާނުގައި ވެއެވެ. އަދި މިފަދަ ކަންކަން ތަކުރާރުވިޔަ ނުދިނުމަށް ކަމާއި ގުޅޭ އުސޫލުތައް ހަރުދަނާ ކުރުމުގެ މަސައްކަތް އެ ވުޒާރާއިން ކުރަމުންދާ ކަަމަށްވެސް އެ ބަޔާނުގައި ފާހަގަކޮށްފައި ވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0