Read Time:2 Minute, 36 Second
ފޮޓޯ ކްރެޑިޓްސް: ވަގުތު
އިތުބާރު ކުރެވޭ މަގާމެއްގައި ހުރެ ކުޑަކުއްޖަކާއެކު ބަދުއަހުލާގީ އަމަލު ހިންގި ކަމުގެ ކުށުގައި ހައްޔަރުކޮށް، ޖަލަށްލާފައިވާ ހއ. ހޯރަފުށީ ހާޝިމް އަބޫބަކުރު 57އ. މިނިވަންކޮށްފައިވާ ކަމަށް ދެކެވޭ ވާހަކަތައް ދޮގުކޮށް، އޭނާ ހުރީ ފަރުވާއަށް ވަގުތީ ގޮތުން ގޭބަންދުގައި ކަމަށް މޯލްޑިވްސް ކަރެކްޝަނަލް ސާވިސް އިން ވިދާޅުވެއްޖެއެވެ.
12 އަހަރަށް ޖަލަށް ލުމަށް ހުކުމް ކޮށްފައިވާ ހާޝިމް ދޫކޮށްލާފައިވާ ކަމަށް ދެކެވޭ ވާހަކަތަކާއި ގުޅިގެން ކަރެކްޝަންސް އިން ނެރުނު ބަޔާނެއްގައި ވިދާޅުވީ، އޭނާއަކީ 2022 ވަނަ އަހަރުން ފެށިގެން އުނަގަނޑުގެ މައްސަލައެއް ހުރެ، އެކަމުގެ ވޭން ތަހައްމަލު ކުރަމުންދާ މީހެއް ކަަމަށެވެ. އަދި އޭނާގެ ސާޖަރީއެެއް ކުރެވެން ނެތް ކަަމަށް ޑޮކްޓަރުން ދެއްވި ލަފާގެ މަތިން ކަރެކްޝަންސްގެ މެޑިކަލް ބޯޑުން ނިންމުމާއެކު، އޭނާ ރާއްޖެއިން ބޭރަށް، ބޭސްފަރުވާއަށް ދިއުމުގެ ހުއްދަ އޮގަސްޓް 5 ވަނަ ދުވަހު ދިނުމާއި ގުޅިގެން، އޭނާ ބޭސް ފަރުވާ ހޯދުމަށް ފަހު 16 ސެޕްޓެމްބަރުގައި މާލެ އައިސްފައިވާ ކަމަށް އެ ބަޔާނުގައި ވެއެވެ.
“އަދި ހާޝިމް އަބޫބަކުރުގެ ބަލި ހާލަތު ހުރި ގޮތުން ޑޮކްތަރު ދެއްވާފައިވާ ރެކަމެންޑޭޝަން އާއި އެއްގޮތަށް ޖަލުގައި ބަހައްޓައިގެން ފަރުވާ ނުދެވޭނެތީ، އޭނާ ވަނީ ހުކުމް ތަންފީޒު ކުރުމަށް ވަގުތީ ގޮތުން ގޭބަންދުގައި ބެހެއްޓިފައެވެ.”. ކަރެކްޝަންސްގެ ބަޔާނުގައި ވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0