Read Time:1 Minute, 45 Second
(ފޮޓޯ ކްރެޑިޓްސް: ރައީސް އޮފީސް)
ދަޢުލަތުން ދޫކުރާ ބޯހިޔާވަހިކަން ލިބޭއިރު، އަމިއްލަ ނަމުގައި އޮންނަ 600 އަކަފޫޓަށްވުރެ ކުދި ބިންތައް ދަޢުލަތަށް ދޫކޮށްލުމުގެ ބަދަލުގައި އާއިލާގެ މީހަކަށް ދެވޭގޮތަށް އުސޫލު ބަދަލުކުރަން ނިންމާފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. މި ބަދަލުގެ ދަށުން އަނބިމީހާ ނުވަތަ ފިރިމީހާ، ދަރިން ނުވަތަ އެއްބަނޑު އެއްބަފާ މީހުންނަށް ބިން ބަދަލުކުރެވޭނެ ކަމަށާއި، މީގެ ކުރީގެ ސްކީމްތަކުން ފްލެޓް ލިބި ބިން ދޫކޮށްލި ފަރާތްތަކަށްވެސް މި ފުރުޞަތު ދިނުމަށް ވަނީ ހަމަޖެހިފައެވެ. ރައީސް ވިދާޅުވި ގޮތުގައި މިގޮތަށް ނިންމެވީ ބިން ތަރައްޤީކުރުމަށް އާއިލާތަކުން ކޮށްފައިވާ ޚަރަދުތަކުގެ މަންފާ އެ އާއިލާއަށް ހޯދައިދީ، އިސްރާފު ކުޑަކުރުމުގެ މަގުސަދުގައެވެ. މިއާ ގުޅޭ އާ އުސޫލު ވަރަށް އަވަހަށް އާންމުކުރާނެ ކަމަށްވެސް އެމަނިކުފާނު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0