Read Time:2 Minute, 2 Second
ރާއްޖޭގައި އެމަޖެންސީ މެޑިކަލް ސަރވިސަސްއާއެކު ހެލިކޮޕްޓަރުގެ ޚިދުމަތް ދިނުމަށް ޝައުގުވެރިވާ ފަރާތްތަކުން ޕްރޮޕޯސަލް ހުށަހެޅުމުގެ ސުންގަޑި އަންނަ އޭޕްރީލް މަހުގެ 20 ވަނަ ދުވަހަށް ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއިން އިތުރުކޮށްފިއެވެ. މި މުއްދަތު އިތުރުކުރީ މެދުއިރުމަތީގެ ހަނގުރާމައާ ގުޅިގެން ކުންފުނިތަކަށް ކުރިމަތިވެފައިވާ ގޮންޖެހުންތަކުގެ ސަބަބުންނާއި ގިނަ ފަރާތްތަކެއްގެ އެދުމުގެ މަތިންނެވެ.
މި ޚިދުމަތް ދިނުމަށް ހޮވޭ ފަރާތްތަކުން ފުރަތަމަ ތިން އަހަރު ކޮންމެ މަހަކު 50 ގަޑިއިރު ހިލޭ މެޑިކަލް ސަރވިސް ދޭންޖެހޭއިރު، ސަރޗް އެންޑް ރެސްކިއު އޮޕަރޭޝަންތައް ކުރިއަށްގެންދާނީ ސަރުކާރުން އަގު ދޭގޮތަށެވެ. 10 އަހަރުގެ މުއްދަތަށް ދޭ މި ހުއްދައަށް ކުރިމަތިލެވޭނީ މަދުވެގެން 5 އަހަރުގެ ތަޖުރިބާހުރި، ރާއްޖޭގެ ކުންފުންޏަކާ ގުޅިގެން މަސައްކަތްކުރާ ފަރާތްތަކަށެވެ. މި މަޝްރޫޢުގެ އެއްބަސްވުމުގައި ޖޫން މަހު ސޮއިކުރުމަށް ހަމަޖެހިފައިވާއިރު، އެންމެ ލަސްވެގެން 2027 ނޮވެމްބަރުގެ ކުރިން ޚިދުމަތް ފަށަންޖެހެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0