Read Time:2 Minute, 7 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެ އަންނަ ފަތުރުވެރިންގެ އަދަދު އިތުރުކުރުމަށްޓަކައި، ރިމޯޓް ވޯކަރުންނާއި ކޮންޓެންޓް ކްރިއޭޓަރުންނަށް ޚާއްޞަ ދެ ވިސާއެއް ތަޢާރަފުކުރުމުގެ މަސައްކަތް ކުރަމުންދާ ކަމަށް ވަޒީރު ތާރިޤު އިބްރާހިމް ވިދާޅުވެއްޖެއެވެ. މެދުއިރުމަތީގެ ހަނގުރާމައިގެ ސަބަބުން ފަތުރުވެރިކަމަށް ކުރާ ނޭދެވޭ އަސަރު ކުޑަކުރުމަށްޓަކައި، ފަތުރުވެރިން ރާއްޖޭގައި މަޑުކުރާ މުއްދަތު އިތުރުކުރުމަށް ވިސާގެ އުސޫލުތަކަށް ލުއިދިނުމާއި، އައު މާކެޓްތަކާއި ފަތުރުވެރިން ގެނެވޭނެ އިތުރު ރޫޓުތައް ހޯދުމުގެ މަސައްކަތް ދަނީ ކުރަމުންނެވެ. މީގެއިތުރުން، ފަތުރުވެރިކަން ސިންދަފާތު ކުރުމުގެ ގޮތުން ސްޕޯޓްސް ފިޝިން، ޓެކްނިކަލް ޑައިވިން، ހަލާލް ޓޫރިޒަމް އަދި އެޑިއުކޭޝަން ޓޫރިޒަމް ފަދަ ދާއިރާތައް ކުރިއެރުވުމަށް ޚާއްޞަ އިސްކަމެއް ދީގެން އިންތިޒާމުތައް ހަމަޖައްސަމުންދާކަން ވަޒީރު ފާހަގަކުރެއްވިއެވެ. މި ބަދަލުތަކުގެ ސަބަބުން ޚާއްޞަކޮށް ގެސްޓްހައުސް ވިޔަފާރިތަކަށާއި މުޅި ފަތުރުވެރިކަމުގެ ސިނާޢަތަށް ބޮޑެތި ފައިދާތަކެއް ލިބޭނެ ކަމަށް ސަރުކާރުން އުންމީދުކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0