Read Time:2 Minute, 25 Second
ސިފައިންގެ ރެކްރޫޓުން ހުވާކުރުމާއި ބަޑި ހަވާލުކުރުމުގެ ރަސްމިއްޔާތު ބާއްވައިފިއެވެ.
ދިފާއީ ވުޒާރާއިން ވިދާޅުވީ މި މަހުގެ 18 ވަނަ ދުވަހު ބަންޑާރަކޮށީ އޮޑިޓޯރިއަމްގައި އެކަމަށް ޓަކައި ބޭއްވި ރަސްމިއްޔާތު ޝަރަފުވެރިކޮށްދެއްވައި، ހުވާ ކުރި ސިފައިންނަށް ބަޑި ހަވާލުކޮށްދެއްވީ ރައީސުލްޖުމްހޫރިއްޔާ އަދި ސިފައިންގެ އެންމެމަތީ ވެރިޔާ، ޑރ. މުހައްމަދު މުއިއްޒް ކަމަށެވެ.
އެ ރަސްމިއްޔާތުގައި ސިފައިންނަށް ހުވައިލައިދެއްވީ ސުޕްރީމް ކޯޓުގެ ފަނޑިޔާރު، ޑރ. މުހައްމަދު އިބްރާހީމް ކަމަށާއި އަދި އެ ފަރާތްތަކަށް ބަޑި ހަވާލުކުރާއިރު އަންގާ އެންގުން އިއްވަވައިދެއްވީ އެޖުޓަންޓް ޖެނެރަލް، ކާނަލް ހުސައިން އަލީ ކަމަށް ދިފާއީ ވުޒާރާއިން ވިދާޅުވެއެވެ.
އެ ވުޒާރާއިން ވިދާޅުވީ އެ ރަސްމިއްޔާތަށް ފަހު، ރައީސް މުއިއްޒު ވަނީ އެމްއެންޑީއެފްގެ އިސްމަގާމުތަކުގެ ސިފައިންނާ ބައްދަލުކުރައްވާފައި ކަމަށެވެ.
އެ ރަސްމިއްޔާތުގައި ދިފާއީ ވަޒީރު، މުހައްމަދު ޣައްސާން މައުމޫނާއި، ޗީފް އޮފް ޑިފެންސް ފޯސް، މޭޖާ ޖެނެރަލް އިބްރާހީމް ހިލްމީއާއި، ވައިސް ޗީފް އޮފް ޑިފެންސް ފޯސް، ބްރިގޭޑިއާ ޖެނެރަލް އަހްމަދު ޣިޔާޘްއާއި، ޖެނެރަލް އޮފިސަރުންނާއި، އެމްއެންޑީއެފްގެ ސީނިއާ އޮފިސަރުން ބައިވެރިވެ ވަޑައިގެންނެވި ކަމަށް ދިފާއީ ވުޒާރާއިން ވިދާޅުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0