Read Time:3 Minute, 32 Second
އެޑިއުކޭޝަން މެލޭޝިއާ ގްލޯބަލް ސާވިސަސް (އީއެމްޖީއެސް) އާއި މިނިސްޓްރީ އޮފް ހަޔާ އެޑިޔުކޭޝަން، ލޭބާ އެންޑް ސްކިލްސް ޑިވެލޮޕްމަންޓްއާ ދެމެދު ސޮއިކުރެވުނު އެމްއޯޔޫގެ ދަށުން، މެލޭޝިޔާގެ ބައެއް ޔުނިވާސިޓީތަކުގެ ގިނަ އަދަދެއްގެ ޕްރޮގްރާމްތަކަކުން ދިވެހި ދަރިވަރުންނަށް ޑިސްކައުން ދިނުމަށް ހަމަޖެހިއްޖެއެވެ.
ހަޔާ އެޑިއުކޭޝަން މިނިސްޓްރީން ވިދާޅުވީ އެ ޑިސްކައުންޓަށް އެދުމަށް ޝަރުތު ހަމަވާނީ ތިން ހާލަތެއްގައިވާ ދިވެހި ދަރިވަރުން ކަމަށެވެ.
ފުރަތަމަ ޝަރުތަކީ ޑިސްކައުންޓް ލިބިގެން ފުރިހަމަކުރުމަށް އެދޭ ޕްރޮގްރާމާއި އެއް ފެންވަރެއްގެ ނުވަތަ އެއަށްވުރެ މަތީ ފެންވަރެއްގެ ޕްރޮގްރާމެއް، ފުރިހަމަކޮށްފައިވުން ނުވަތަ ފުރިހަމަ ކުރަމުން ދިޔުން ކަމަށް މިނިސްޓްރީން ވިދާޅުވިއެވެ.
ދެވަނަ ޝަރުތަކީ އެ މިނިސްޓްރީ ނުވަތަ ޑިޕާޓްމަންޓް އޮފް ހަޔާ އެޑިޔުކޭޝަން މެދުވެރިވެގެން މަތީ ތައުލީމު ހާސިލުކުރުމަށް މާލި އެހީ ލިބިފައިވާ ފަރާތެއް ނަމަ، އަނބުރާ ދައްކަން ޖެހިފައިވާ ފައިސާ ޑީފޯލްޓެއްވެފައިވުން ކަމަށެވެ.
އަދި ތިން ވަނަ ޝަރުތަކީ މިނިސްޓްރީ މެދުވެރިވެގެން ލިބެން ހަމަޖެހުނު ލޯނެއްގެ ފައިސާ ލިބެމުން ދިޔުން ނުވަތަ ސޮއިކޮށްފައިވާ ލޯނު އެއްބަސްވުމުގައި ފައިސާ ދޫކުރުމަށް ކަނޑައެޅިފައިވާ ތާވަލްގެ މުއްދަތުގެ ތެރޭގައިވުން ކަމަށް ވެސް ވިދާޅުވެއެވެ.
މިނިސްޓްރީން ވިދާޅުވީ މި ޑިސްކައުންޓް ލިބިގެން ކިޔެވެންހުރި ޕްރޮގްރާމްތަކާއި އެ ޕްރޮގްރާމްތަށް ހިންގާ ކޮލެޖް ނުވަތަ ޔުނިވާސިޓީތަކުގެ މައުލުމާތު ލިންކް މެދުވެރިކޮށް ލިބޭނެ ކަމަށެވެ.
އެ ޑިސްކައުންޓަށް އެދި އެޕްލިކޭޝަން ހުށަހަޅާނީ މިނިސްޓްރީގެ ޕޯޓަލް މެދުވެރިކޮށް ކަމަށާއި އެ ޕޯޓަލްގައި، އެޕްލިކޭޝަންފުރާއިރު، ޑިސްކައުންޓް ލިބުމަށް އެދޭ ޕްރޮގްރާމުގެ ނަމާއެކު، އެ ޕްރޮގްރާމަށް މި މިނިސްޓްރީން ދީފައިވާ ޕްރޮގްރާމް ކޯޑް ލިޔުމަށް ސަމާލްކަން ދިނުމަށް އިލްތިމާސްކޮށްފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0