Read Time:2 Minute, 43 Second
(ފޮޓޯ ކްރެޑިޓްސް: ހައުސިންގ މިނިސްޓްރީ)
މާލޭގެ ބާޒާރުމަތީގައި ހުރި މާރުކޭޓުތައް ތަރައްޤީކުރުމަށްޓަކައި 6 ފަންގިފިލާގެ ޒަމާނީ މާރުކޭޓް ކޮމްޕްލެކްސްއެއް އެޅުމުގެ މަޝްރޫޢު ސަރުކާރުން ވަނީ ފަށާފައެވެ. ޓްރަސްޓެންގ މޯލްޑިވްސްއާ ހަވާލުކޮށްގެން ކުރިއަށްގެންދާ 126.4 މިލިއަން ރުފިޔާގެ މި މަޝްރޫޢުގެ ދަށުން، މިހާރުގެ ލޯކަލް މާރުކޭޓު ހުރި ބިމުގައި 95،000 އަކަފޫޓުގެ ބޮޑު އިމާރާތެއް ބިނާކުރާނެއެވެ.
މި އިމާރާތުގެ ބޭސްމަންޓް 400 ސައިކަލުގެ ޕާކިންގއަށް ޚާއްސަކުރާއިރު، ގްރައުންޑް ފްލޯގައި 110 ގޮޅިއާއެކު ސިއްޙީ މިންގަނޑުތަކަށް ފެތޭ މަސް މާރުކޭޓަކާއި 5 ޓަނުގެ އައިސް ޕްލާންޓެއް ހުންނާނެއެވެ. އިމާރާތުގެ 1 ވަނަ ފަންގިފިލާއިން ފެށިގެން 3 ވަނަ ފަންގިފިލާއާ ހަމައަށް ޚާއްސަކޮށްފައިވަނީ މޭވާ، ތަރުކާރީ އަދި ކާބޯތަކެތީގެ އެކި ބާވަތްތައް ވިއްކުމަށެވެ. މި ތިން ފަންގިފިލާގައި ޖުމުލަ 455 ގޮޅި ހުންނާނެއެވެ. އެންމެ މަތީ ފަންގިފިލާގައި ފުޑް ކޯޓެއް ތަރައްޤީކުރާއިރު، ހުރިހާ ގޮޅިތަކެއްވެސް ދޫކުރާނީ ފަރުނީޗަރާއެކު ފުރިހަމައަށް ތައްޔާރުކޮށްފައެވެ.
ބާޒާރުމަތީގެ ތޮއްޖެހުން ކުޑަކޮށް، ޚިދުމަތް ހޯދާ މީހުންނަށް ފަސޭހަ މާޙައުލެއް ޤާއިމުކުރުމަށް ކުރިއަށްގެންދާ މި މަސައްކަތް 1 އަހަރާއި 8 މަސްދުވަހުގެ ތެރޭގައި ނިންމުމަކީ ސަރުކާރުގެ އަމާޒެކެވެ. މީގެ އިތުރުން އެ ސަރަޙައްދުގެ މަގުތަކާއި ބަނދަރުވެސް މިހާރު އަންނަނީ ޒަމާނީ ފެންވަރަށް ތަރައްޤީކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0