Read Time:2 Minute, 4 Second
މާލޭ ސިޓީގެ މޭޔަރުކަމަށް ޕީއެންސީގެ ޓިކެޓުގައި ވާދަކުރައްވާ މޫސާ އަލީ ޖަލީލަކީ ގައުމީ ހިދުމަތުގައި ނަމޫނާ ދައްކަވާފައިވާ ބަތަލެކެވެ. އޭނާގެ ކެމްޕޭން އަމާޒުތަކުގެ ތެރޭގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސިޔާސަތުތަކާ އެއްގޮތަށް މާލެ ސިޓީ ތަރައްގީކުރުމާއި، ރައްކާތެރިކަމާއި ހަމަޖެހުން ގާއިމުކުރުން ހިމެނެއެވެ. މީގެ އިތުރުން މާލޭގެ މަގުތަކުގެ ހާލަތު ރަނގަޅުކޮށް، ޓްރެފިކް މައްސަލަތަކަށް ޑިޖިޓަލް ހައްލުތަކެއް ހޯދައިދިނުމަކީ އޭނާގެ މުހިންމު ވައުދެކެވެ.
މޫސާ ޖަލީލް ގަސްދުކުރައްވަނީ މާލެ ސިޓީގެ މުނިސިޕަލް ހިދުމަތްތައް ހަރުދަނާކޮށް، ކައުންސިލަރުންނަކީ ރައްޔިތުންނަށް ޖަވާބުދާރީވާ ބަޔަކަށް ހެދުމަށެވެ. އަދި އަންހެނުން ބާރުވެރިކުރުވުމާއި، ސިޓީގެ ރައްކާތެރިކަން ކަށަވަރުކުރުމަށް 24 ގަޑިއިރު ހިދުމަތްދޭ ހާއްސަ ޓާސްކް ފޯސްތަކެއް އުފެއްދުމަށްވެސް އޭނާ ރާވާފައިވެއެވެ. ސިޔާސީ ތަފާތު ފިކުރުތަކަށް އިހުތިރާމްކުރައްވައި، ހުރިހާ ރައްޔިތުންނާ ގުޅިގެން މާލެއަކީ ހިތްފަސޭހަ ތަނަކަށް ހެދުމަކީ އޭނާގެ އެންމެ ބޮޑު އުންމީދެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0