Read Time:3 Minute, 3 Second
ފާއިތުވި ދެ އަހަރު ދާހިލީ ސަލާމަތާ ބެހޭ ވުޒާރާއިން އައްޑޫސިޓީއަށް އެއްވެސް ކަމެއް ކޮށްދީފައިނުވާ ކަމަށް އެ ސިޓީގެ މޭޔަރު އަލީ ނިޒާރު ވިދާޅުވުމާ ގުޅިގެން، ވަޒީރު އިހުސާން ވަނީ އެކަން ދޮގުކުރައްވައި އައްޑޫގައި ހިންގާފައިވާ މުހިންމު މަޝްރޫއުތަކުގެ ތަފުސީލު ހާމަކުރައްވާފައެވެ.
މީގެ ތެރޭގައި ހިތަދޫ އާއި ފޭދޫގައި އައިޑީ ކާޑާއި ޕާސްޕޯޓުގެ ހިދުމަތް ފެށުމާއި، ގަވާއިދާ ހިލާފަށް އުޅޭ ބިދޭސީން ބަލައި ފާސްކުރުމުގެ ހާއްސަ އޮޕަރޭޝަންތަކެއް ހިންގައި ބައެއް މީހުން ހިފަހައްޓާފައިވާކަން ވަޒީރު ފާހަގަކުރެއްވިއެވެ. މީގެ އިތުރުން ކަސްޓަމްސްގެ ރީޖަނަލް އޮފީހާއި ފުލުހުންގެ އެކޮމޮޑޭޝަން އިމާރާތްތަކުގެ މަސައްކަތް އަވަސްކޮށް، ފުލުހުންގެ ހިދުމަތްތައް ފުޅާކުރުމަށް އައު އިމާރާތްތަކެއް ބިނާކުރަމުންދާ ކަމަށް ވިދާޅުވިއެވެ.
ތަފާސްހިސާބުތަކަށް އަލިއަޅުއްވާލައްވަމުން ވަޒީރު ވިދާޅުވީ، އައްޑޫގައި ތިބި ފުލުހުންގެ އަދަދު 19 އިންސައްތަ އިތުރުކޮށްފައިވާ ކަމަށާއި، މާރާމާރީ އާއި ފޭރުމުގެ މައްސަލަތައް ފާހަގަކުރެވޭ މިންވަރަކަށް މަދުކުރެވިފައިވާ ކަމަށެވެ. އަދި ޑްރަގް ނެޓްވޯކުތަކާ ދެކޮޅަށް ހާއްސަ އޮޕަރޭޝަންތަކެއް ހިންގައި، ކައުންސިލުގެ ގިނަ ހިދުމަތްތަކެއް އޮންލައިންކޮށް ލިބޭނެ އިންތިޒާމު ހަމަޖައްސާފައިވާ ކަމަށްވެސް ވިދާޅުވިއެވެ. މި ހަގީގަތްތައް މޭޔަރަށް އެނގިވަޑައިނުގަތީ ސަރުކާރާ އިދިކޮޅު ވިސްނުމެއްގައި މަސައްކަތް ކުރާތީ ކަމަށް ވިދާޅުވެ، ރައްޔިތުންނަށް ފުރިހަމަ ހިދުމަތް ދިނުމަށް ސަރުކާރާ ގުޅިގެން މަސައްކަތްކުރާނެ ބަޔަކު އިންތިހާބުކުރުން މުހިންމު ކަމަށް ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0