Read Time:2 Minute, 52 Second
(ފޮޓޯ ކްރެޑިޓްސް: އެކި.އެމްވީ)
2008 ވަނަ އަހަރުގެ އައު ގާނޫނުއަސާސީއަށް އަމަލުކުރަން ފެށިފަހުން، ރިޔާސީ އިންތިޚާބާއި މަޖިލީސް އިންތިޚާބު ވަކިވަކިން ބޭއްވުމުގެ ސަބަބުން ސިޔާސީ ގޮތުންނާއި އިގްތިސާދީ ގޮތުން ބޮޑެތި ގޮންޖެހުންތަކެއް ދަނީ ކުރިމަތިވަމުންނެވެ. އާ ސަރުކާރެއް އުފެދޭތާ ކުރީކޮޅު މަޖިލީހުގެ މެޖޯރިޓީ ނެތުމުން، ސަރުކާރުގެ މަސައްކަތްތަކަށް ހުރަސްއެޅި، ބަޖެޓާއި ވަޒީރުންނަށް ރުހުން ދިނުން ފަދަ ކަންކަމުގައި ދަތިތަކާ ކުރިމަތިވެއެވެ. މީގެ އިތުރުން، މަޖިލީސް އިންތިޚާބަށް އަމާޒުކޮށް ސިޔާސީ ބޭނުމަށް ދައުލަތުގެ ވަސީލަތްތައް ނަހަމަ ގޮތުގައި ބޭނުންކުރުމަކީ އާންމު ކަމަކަށް ވެފައިވާއިރު، މިއީ ދައުލަތުގެ ބަޖެޓަށް ބޮޑު ބުރައެއް އުފުލަންޖެހޭ ކަމެކެވެ.
މި މައްސަލަތަކަށް އޮތް ހައްލަކީ ދެ އިންތިޚާބު އެއްދުވަހެއްގައި ބޭއްވުން ކަމަށް ރައީސް ޑރ. މުޢިއްޒާއި، ކުރީގެ ރައީސުން ކަމަށްވާ ނަޝީދާއި ޞާލިޙްގެ އިތުރުން ޖޭޕީ، އެމްޑީއޭ އަދި އަދާލަތު ފަދަ ސިޔާސީ ޕާޓީތަކުން ވެސް އެކި ދުވަސްވަރު ވަނީ އެއްބަސްވެފައެވެ. ގާނޫނީ މާހިރުން ފާހަގަކުރާ ގޮތުގައި މި ބަދަލުގެ ސަބަބުން ދައުލަތުގެ ބަޖެޓުން 120 މިލިއަނަށް ވުރެ ގިނަ ރުފިޔާ ސަލާމަތް ކުރެވި، ސަރުކާރު ޖަވާބުދާރީ ކުރުވުމަށާއި ސިޔާސީ ހަމަޖެހުމަށް މަގުފަހިވާނެއެވެ. އިލެކްޝަންސް ކޮމިޝަނުން ވެސް ދެކޭ ގޮތުގައި މިއީ މާލީ ގޮތުންނާއި އިދާރީ ގޮތުން ރާއްޖެއަށް އެންމެ ފައިދާހުރި ގޮތެވެ. އެހެންކަމުން، މިކަމުގައި ރައްޔިތުންގެ ޚިޔާލު ހޯދުމުގެ މަސައްކަތް މިހާރު ދަނީ ކުރެވެމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0