Read Time:2 Minute, 24 Second
(ފޮޓޯ ކްރެޑިޓްސް: އެމްއޭސީޢެލް)
މެދުއިރުމަތީގެ ނުތަނަވަސްކަމާ ގުޅިގެން ވައިގެ ދަތުރުފަތުރަށް އައި ބަދަލުތަކާއެކު، ރާއްޖެއަށް ކުރާ ދަތުރުތައް ބައިނަލްއަޤުވާމީ އެއާލައިންތަކުން ދަނީ އިތުރުކުރަމުންނެވެ. އެގޮތުން ސްވިޓްޒަލެންޑުގެ އެޑެލްވިއެސް، އެއާ އިންޑިއާ އަދި ރަޝިއާގެ އެއިރޯފްލޮޓުން ވަނީ ރާއްޖެއަށް ކުރާ ފްލައިޓްތައް އިތުރުކޮށްފައެވެ. މިއީ މެދުއިރުމަތީގެ މަގުތަކުގެ ބަދަލުގައި ސީދާ ރާއްޖެއަށް އަންނަން ބޭނުންވާ ފަތުރުވެރިންގެ ޑިމާންޑަށް ބަލައި، ރައްކާތެރި މަންޒިލެއްގެ ގޮތުގައި ރާއްޖެ އިޚްތިޔާރުކުރާތީ ގެނައި ބަދަލުތަކެކެވެ.
މީގެ އިތުރުން ރާއްޖެއަށް އަންނަ ޕްރައިވެޓް ޖެޓްތަކުގެ އަދަދުވެސް ވަނީ އާދަޔާ ހިލާފަށް އިތުރުވެފައެވެ. އެމްއޭސީއެލްގެ ތަފާސްހިސާބުތަކުން ދައްކާގޮތުގައި ވޭތުވެދިޔަ އަހަރާ އަޅާބަލާއިރު ޖެޓްތައް އައި މިންވަރު 166 އިންސައްތަ އިތުރުވެފައިވާއިރު، ވެލާނާ އިންޓަރނޭޝަނަލް އެއާޕޯޓުގެ އިތުރުން މާފަރު އެއާޕޯޓަކީވެސް މިހާރު ޖެޓްތަކުގެ މައި ހަބަކަށް ވަނީ ވެފައެވެ. ދުނިޔޭގެ މަސްރަހަށް އަންނަ ބަދަލުތަކާއެކުވެސް، ރާއްޖޭގެ ދަތުރުފަތުރުގެ ވަސީލަތްތައް ހުރިގޮތުން ރާއްޖެއަކީ ފަސޭހައިން އާދެވޭ، އިތުބާރު ހުރި މަތީ ފަންތީގެ މަންޒިލެއްކަން މި ބަދަލުތަކުން ހާމަވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0