Read Time:1 Minute, 43 Second
ރިޔާސީ އިންތިޚާބާއި މަޖިލިސް އިންތިޚާބު އެއްދުވަހެއްގައި ބޭއްވުމަށް ޤާނޫނުއަސާސީއަށް ގެނައި އިޞްލާޙާ ގުޅޭގޮތުން ސަރުކާރުން ޢަމަލުކުރަނީ ޤާނޫނީ އުޞޫލުތަކާ އެއްގޮތަށް ކަމަށް ބަންޑާރަ ނައިބު ވިދާޅުވެއްޖެއެވެ. މި އިޞްލާޙުގެ މައިގަނޑު މަޤްޞަދަކީ ދެ އިންތިޚާބު އެކުގައި ބޭއްވުމާއި، މަޖިލިސް ދައުރު ފެށޭ ތާރީޚަށް ބަދަލު ގެނައުމެވެ. ޤާނޫނުއަސާސީގައިވާ ގޮތުން މިފަދަ ބަދަލެއް ގެނެވޭނީ ރައްޔިތުންގެ ފެންނަ ނުފެންނަ ވޯޓަކުން ފާސްވެގެން ކަމަށްވާތީ، އަންނަ މަހުގެ 4 ގައި މި ވޯޓު ނެގުމަށް ވަނީ ހަމަޖެހިފައެވެ. ރައްޔިތުން މި ބަދަލަށް ނޫނެކޭ ބުނެފިނަމަ، ރައީސުލްޖުމްހޫރިއްޔާ އެ ބިލު ތަސްދީޤެއް ނުކުރައްވާނެއެވެ. ބަންޑާރަ ނައިބުގެ އޮފީހުން ކަށަވަރުކޮށްދެއްވާފައިވަނީ ވޯޓަށް ހުށަހަޅާފައިވާ ސުވާލާއި މިކަމާ ގުޅޭ ހުރިހާ އިޖުރާއަތްތަކެއް ކުރިއަށްދަނީ ޤާނޫނުއަސާސީއާ އެއްގޮތަށް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0