Read Time:2 Minute, 39 Second
ޕީއެސްއެމްގެ މެނޭޖިން ޑިރެކްޓަރު އަހުމަދު ޝަކީބު އުމްރާގެ އަޅުކަމުގައި ރާއްޖެއިން ބޭރުގައި ހުންނަވަނިކޮށް، އެމްޑީޕީގެ އިސް ބޭފުޅުންތަކެއް ޕީއެސްއެމްގެ އިމާރާތަށް ވަދެ އެތަނުގެ މަސައްކަތްތަކަށް ހުރަސްއަޅައިފިއެވެ. އެމްޑީޕީން ބޭނުންވީ އިންތިޚާބާ ގުޅޭ މައުލޫމާތު ފެތުރުމުގައި ޕީއެސްއެމްއިން ހަމަހަމަކަން ނުގެންގުޅޭ ކަމަށް ބުނެ އެކަމުގެ ޝަކުވާ ޝަކީބާ ހިއްސާކުރާށެވެ. ޝަކީބު ރާއްޖޭގައި ނޫޅުއްވާތީ އޭނާ އެނބުރި ވަޑައިގަތުމުން ބައްދަލުވުން ބޭއްވުމަށް ޕީއެސްއެމްއިން ކުރިން އޮތީ ސިޓީއަކުން އެމްޑީޕީއަށް އަންގާފައެވެ. ނަމަވެސް އެމްޑީޕީގެ މެންބަރުން ވަނީ އެ ސިޓީއަށް ބެލުމެއް ނެތި ޕީއެސްއެމްއަށް ވަދެ، މުވައްޒަފުންނަށް ދަތިވާ ގޮތަށް އެތައް އިރަކު އެތަނުގައި މަޑުކޮށްފައެވެ.
ޕީއެސްއެމްއިން ބުނި ގޮތުގައި އެ ކުންފުނީގެ ޕްރޮގްރާމްތަކަކީ ރައްޔިތުން ހޭލުންތެރިކުރުވުމަށް ތަޖުރިބާކާރުން މެދުވެރިކޮށް ކުރިއަށްގެންދާ ފަންނީ މަސައްކަތްތަކެކެވެ. އަދި މިހާތަނަށް އެއްވެސް ސިޔާސީ ޕާޓީއަކަށް ވަކިން ފުރުސަތު ދީފައި ނުވާނެ ކަމަށާއި، ކުންފުނި ހިންގަނީ ގާނޫނީ އިމުގެ ތެރެއިން މިނިވަންކަމާއެކު ކަމަށްވެސް ޕީއެސްއެމްއިން ބުންޏެވެ. މީގެ އިތުރުން، ހަގީގަތާ ޚިލާފު ވާހަކަ ފަތުރައި މުއައްސަސާއާ މެދު ނަފުރަތު އުފެއްދުމަށް މަސައްކަތް ނުކުރުމަށް ވެސް ޕީއެސްއެމްގެ ސިޓީގައި އެމްޑީޕީއަށް އިލްތިމާސްކޮށްފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0