Read Time:2 Minute, 21 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގައި އީ-ސްޕޯޓްސް ކުރިއެރުވުމަށް ސަރުކާރުން ހާއްސަ އިސްކަމެއް ދީގެން މަސައްކަތް ކުރަމުންދާކަމަށް ކުޅިވަރާ ބެހޭ ވަޒީރު ޢަބްދުﷲ ރާފިޢު ވަނީ ވިދާޅުވެފައެވެ. އީ-ސްޕޯޓްސްއަކީ ހަމައެކަނި ގޭމް ކުޅުމެއް ނޫން ކަމަށާއި، މީގެ ސަބަބުން ކުދިންގެ ވިސްނުން ތޫނުވެ، ކަންކަމަށް ސަމާލުކަންދޭ މިންވަރު އިތުރުވެ، ފިޒިކަލް އެކްޓިވިޓީސްތަކުގައި ބައިވެރިވުމަށް ބާރުލިބޭކަން ވަޒީރު ފާހަގަކުރެއްވިއެވެ. މީގެ އިތުރުން، މިއީ ޒުވާނުންގެ ހުނަރު ދައްކާލައި ގައުމަށް ރީތި ނަން ހޯދައިދެވޭނެ ޕްރޮފެޝަނަލް ދާއިރާއެއްގެ ގޮތުގައި ވަޒީރު ސިފަކުރެއްވިއެވެ.
ރައީސުލްޖުމްހޫރިއްޔާގެ ވަޢުދުފުޅާ އެއްގޮތަށް، އީ-ސްޕޯޓްސް ސެންޓަރަކާއި އާކޭޑެއް ހިމެނޭ ކޮމްޕްލެކްސްއެއް މާލޭގައި ގާއިމުކުރުމަށް ބަޖެޓް ހަމަޖެހި، އެ މަސައްކަތް މިހާރު ވަނީ ކުންފުންޏަކާ ހަވާލުކުރެވިފައެވެ. މި މަޝްރޫއު މިއަހަރުގެ ތެރޭގައި ނިމޭނެ ކަމަށް ބެލެވޭއިރު، އަމިއްލަ ފަރާތްތަކުން ބާއްވާ މުބާރާތްތަކަށްވެސް ސަރުކާރުގެ އެހީތެރިކަން ލިބޭނެއެވެ. ސަރުކާރުގެ އަމާޒަކީ މިފަދަ ވަސީލަތްތަކުގެ އެހީގައި އިޖުތިމާއީ ގުޅުން ބަދަހިކޮށް، ނަފްސާނީ ގޮތުންނާއި ޖިސްމާނީ ގޮތުން ދުޅަހެޔޮ ޖީލެއް ބިނާކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0