Read Time:2 Minute, 2 Second
ލޯކަލް ކައުންސިލް އިންތިޚާބާ އެކު ފެންނަ ނުފެންނަ ވޯޓު ނަގަން ސަރުކާރުން ނިންމީ ދައުލަތުގެ ޚަރަދު ކުޑަކުރުމަށް ކަމަށް ބަންޑާރަނައިބު އަޙްމަދު އުޝާމް ވިދާޅުވެއްޖެއެވެ. ވަކިން ވޯޓު ނަގާ ނަމަ 80 މިލިއަނެއްހާ ރުފިޔާ ޚަރަދުވާނެތީ، ކައުންސިލް އިންތިޚާބާ އެކު މި މަސައްކަތް ކުރިއަށް ގެންދިއުމުން ބަޖެޓަށް ބޮޑު ލުޔެއް ލިބޭނެ ކަމަށް އޭނާ ފާހަގަކުރެއްވިއެވެ.
ޤާނޫނުއަސާސީއަށް ގެންނަން ނިންމާފައިވާ މައިގަނޑު އިޞްލާޙުތަކުގެ ތެރޭގައި ރިޔާސީ އިންތިޚާބާއި މަޖިލިސް އިންތިޚާބު އެއްކޮށް ބޭއްވުމާއި، ޖޭއެސްސީ އެކުލެވިގެންވާ ގޮތް ބަދަލުކުރުމުގެ އިތުރުން މަޖިލިސް މެންބަރުންގެ އަދަދު ކޮންޓްރޯލް ކުރުން ހިމެނެއެވެ. މި އިޞްލާޙުތަކުގެ ތެރެއިން އިންތިޚާބުތައް އެއްކޮށްލުމަކީ ރައްޔިތުންގެ ފެންނަ ނުފެންނަ ވޯޓެއް ކޮންމެހެން ބޭނުންވާ ކަމެއް ކަމަށް ބަންޑާރަނައިބު ވިދާޅުވިއެވެ. މީގެ އިތުރުން ޤާނޫނުއަސާސީއަށް ގެންނަންޖެހޭ އެހެނިހެން ބަދަލުތައް ވެސް މަޝްވަރާތަކަށް ފަހު ވަރަށް އަވަހަށް މަޖިލީހަށް ހުށަހަޅާނެ ކަމަށް އުޝާމް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0