Read Time:1 Minute, 56 Second
(ފޮޓޯ ކްރެޑިޓްސް: ހައުސިންގ މިނިސްޓްރީ)
މާލޭގެ ލޯކަލް މާރުކޭޓު ހުރި ބިމުގައި 6 ފަންގިފިލާގެ ޒަމާނީ މާރުކޭޓު ކޮމްޕްލެކްސްއެއް ބިނާކުރުމަށް ޓްރަސްޓެންގ މޯލްޑިވްސްއާ ސަރުކާރުން ޙަވާލުކޮށްފިއެވެ. ގާތްގަނޑަކަށް 126 މިލިއަން ރުފިޔާ ޚަރަދުކޮށްގެން ކުރިއަށްގެންދާ މި މަޝްރޫޢު އެއް އަހަރާއި އަށް މަސް ދުވަހުގެ ތެރޭގައި ނިންމުމަށް ވަނީ އަމާޒު ހިފާފައެވެ. މި އައު އިމާރާތުގައި 400 އަށްވުރެ ގިނަ ސައިކަލު ޕާކުކުރެވޭނެ ބޭސްމަންޓަކާއި، މަސް ވިއްކުމަށް ޚާއްޞަ 110 ގޮޅީގެ އިތުރުން 5 ޓަނުގެ އައިސް ޕްލާންޓެއް ހިމެނޭނެއެވެ. އަދި މޭވާއާއި ތަރުކާރީ ވިއްކުމަށް ތިން ފަންގިފިލާއެއްގައި 345 ގޮޅި ހުންނައިރު، ޓެރަސްގައި ފުޑް ކޯޓެއްވެސް ތަރައްޤީކުރެވޭނެއެވެ. މި މަޝްރޫޢުގެ މައިގަނޑު މަޤްޞަދަކީ މިހާރު ވަކިވަކިން ހިންގަމުންދާ މަސް މާރުކޭޓާއި، ދަތުރުވެރިންގެ މާރުކޭޓު އަދި ލޯކަލް މާރުކޭޓުގެ ޚިދުމަތްތައް އެއް ފުރާޅެއްގެ ދަށަށް ގެނެސް، ބާޒާރުމަތީގެ ތަރުތީބު ރަނގަޅުކޮށް ޢާންމުންނަށް ލުއިފަސޭހަ ކޮށްދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0