Read Time:2 Minute, 7 Second
(ފޮޓޯ ކްރެޑިޓްސް: ބީއެމްއެލް)
ބޭންކް އޮފް މޯލްޑިވްސްގެ މިދިޔަ އަހަރުގެ ފައިދާއިން ހިއްސާއަކަށް 60 ރުފިޔާ ބެހުމަށް ނިންމައި، އެކަން ފާސްކުރުމަށް މި މަހުގެ 28 ވަނަ ދުވަހު ބާއްވާ އަހަރީ އާންމު ޖަލްސާއަށް ހުށަހެޅުމަށް ވަނީ ހަމަޖެހިފައެވެ. މިއީ ބޭންކުގެ ތާރީޚުގައި ހިއްސާގެ ފައިދާގެ ގޮތުގައި ދޭން ނިންމި އެންމެ ބޮޑު އަދަދު ކަމަށްވާއިރު، ޖުމުލަ 322 މިލިއަން ރުފިޔާ ބެހުމަށް ވަނީ ކަނޑައަޅާފައެވެ. މި ޖަލްސާގައި ބައިވެރިވެވޭނީ މި މަހުގެ 18 ވަނަ ދުވަހުގެ ނިޔަލަށް ހިއްސާދާރުންގެ ދަފްތަރުގައި ރަޖިސްޓަރީވެފައިވާ ފަރާތްތަކަށް ކަމަށާއި، ޖަލްސާއަށް ރަޖިސްޓަރީވުމުގެ ފުރުސަތު މި މަހުގެ 26 ވަނަ ދުވަހުގެ ރޭގަނޑު 9:00 އާ ހަމައަށް އޮންނާނެ ކަމަށް ބޭންކުން ބުނެއެވެ. ޖަލްސާގައި ބައިވެރިވެވޭނީ އަމިއްލައަށް ހާޒިރުވެގެން ނުވަތަ އޮންލައިންކޮށް ނުވަތަ ޕްރޮކްސީ މެދުވެރިކޮށެވެ. މި ޖަލްސާގައި ހިއްސާގެ ފައިދާ ފާސްކުރުމުގެ އިތުރުން، އޮޑިޓަރުން އައްޔަނުކުރުމާއި، ބޯޑު ޑިރެކްޓަރުން ހޮވުމުގެ އިތުރުން ބޯނަސް ހިއްސާ ދޫކުރުމަށް ބޭންކުގެ އަސާސީ ގަވާއިދަށް ގެންނަ އިސްލާހު ފާސްކުރުން އޮންނާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0