Read Time:2 Minute, 8 Second
(ފޮޓޯ ކްރެޑިޓްސް: ރައީސް އޮފީސް)
ދުނިޔޭގެ މަސްރަހަށް އަންނަ ބަދަލުތަކާ ގުޅިގެން ރާއްޖެއަށް ބޭނުންވާ ކާބޯތަކެތީގެ ރައްކާތެރިކަން ކަށަވަރުކުރުމަށް ސަރުކާރުން މުހިންމު ފިޔަވަޅުތަކެއް އަޅަމުންދާކަމަށް އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވެއްޖެއެވެ. މިގޮތުން ޤައުމީ ފެންވަރުގައި ތަކެތި ރައްކާކުރެވޭ މިންވަރު އިތުރުކުރުމުގެ މަސައްކަތް ހަލުވިކަމާއެކު ކުރިއަށްދާކަމަށާއި، މިހާރު ބަރޯސާވާ މާކެޓުތަކުގެ އިތުރުން އެހެން ޤައުމުތަކުންވެސް މުދާ އިމްޕޯޓުކުރެވޭނެ އިންތިޒާމުތައް ހަމަޖައްސަމުންދާކަން ވަޒީރު ފާހަގަކުރެއްވިއެވެ. މީގެއިތުރުން، ކޮންމެ މޫސުމެއްގައިވެސް ރާއްޖޭގެ ހުރިހާ ސަރަޙައްދަކަށް މުދާ ފޯރުކޮށްދިނުމަށްޓަކައި ‘އެންކާ’ ގެ ނަމުގައި ޝިޕިން އަދި ލޮޖިސްޓިކްސް ނެޓްވޯކެއް ޤާއިމުކޮށް މިހާރު އަންނަނީ ތަންފީޒުކުރަމުންނެވެ. އަސާސީ ކާބޯތަކެތީގެ 26 ބާވަތެއް އެތެރެކުރުމުގައި މިހާތަނަށް އެއްވެސް ދައްޗެއް ނެތް ނަމަވެސް، ކުރިއާލާ ރައްކާތެރިކަމުގެ ފިޔަވަޅުތައް އެޅުމަށް ސަރުކާރުން އިސްކަންދޭކަމަށްވެސް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0