Read Time:2 Minute, 37 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ބޭންކް އޮފް މޯލްޑިވްސްއިން އަލަށް ތަޢާރަފްކުރި މަލްޓި ކަރަންސީ ޑިޖިޓަލް ވޮލެޓް “ސްވައިޕް” ރާއްޖޭގެ ފުރަތަމަ މަންޒިލެއްގެ ގޮތުން އައްޑޫ ސިޓީއަށް އިފްތިތާޙުކޮށްފިއެވެ. ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިހުސާން އިފްތިތާޙުކޮށްދެއްވި މި ޚިދުމަތަކީ ރާއްޖޭގެ ޑިޖިޓަލް އިޤްތިސާދު ހަރުދަނާކުރުމަށް ސަރުކާރާއި ބީއެމްއެލް ގުޅިގެން ކުރިއަށްގެންދާ މުހިންމު މަސައްކަތެކެވެ. “ވިޒިޓް މޯލްޑިވްސް” ގެ ރަސްމީ ވޮލެޓުގެ ގޮތުގައި ކަނޑައަޅާފައިވާ މި އެޕް މެދުވެރިކޮށް، ކިއުއާރު ކޯޑު ބޭނުންކޮށްގެން ފަސޭހަކަމާއެކު ފައިސާ ދެއްކުމާއި، ދުނިޔޭގެ ކޮންމެ ބޭންކެއްގެ ކާޑަކުންވެސް ވޮލެޓަށް ފައިސާ ޖަމާކުރުމުގެ ފުރުސަތު ލިބިގެންދާނެއެވެ.
މި ޚިދުމަތުގެ ސަބަބުން ފަތުރުވެރިންނަށް ރާއްޖޭގައި ފައިސާ ދެއްކުމަށް ބޮޑު ލުޔެއް ލިބޭނެއެވެ. އެގޮތުން އެހެން ކާޑުތަކުން ނަގާ 2.5 އިންސައްތައިގެ ކޮމިޝަނުގެ ބަދަލުގައި، ސްވައިޕް މެދުވެރިކޮށް ނަގާނީ އެންމެ 1 އިންސައްތައެވެ. މީގެ އިތުރުން، ވިޔަފާރިވެރިންނަށް ވަގުތުން ފައިސާ ލިބޭ ގޮތަށް ފަރުމާކޮށްފައިވާ މި ނިޒާމުގެ ސަބަބުން ކޭޝް ފްލޯ ބެލެހެއްޓުމަށް ފަސޭހަވެ، ރާއްޖޭގެ މާލީ މުޢާމަލާތްތައް ޒަމާނީ ޑިޖިޓަލް ނިޒާމަކަށް ބަދަލުވެގެންދާނެއެވެ. އައްޑޫގެ ގާތްގަނޑަކަށް ހުރިހާ ވިޔަފާރިއަކުން މިހާރު މި ޚިދުމަތް ބަލައިގަންނާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0