Read Time:2 Minute, 19 Second
ދިވެހިރާއްޖޭގެ އިޤްތިޞާދު ޑިޖިޓަލްކޮށް ބަދަލުކުރުމަށް ރައީސުލްޖުމްހޫރިއްޔާ ގެންގުޅުއްވާ ތަޞައްވުރު ފުރިހަމަކުރުމުގައި، އަލަށް ތަޢާރަފްކުރި “ސްވައިޕް” ޑިޖިޓަލް ވޮލެޓަކީ މުހިންމު ދައުރެއް އަދާކުރާނެ ވަސީލަތެއްކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ. އައްޑޫ ސިޓީގައި ބޭއްވި ރަސްމިއްޔާތެއްގައި ވަޒީރު ވިދާޅުވީ، ސައްތަ އިންސައްތަ ދިވެހި އުފެއްދުމެއް ކަމަށްވާ މި ވޮލެޓަކީ ބައިނަލްއަޤްވާމީ މިންގަނޑުތަކަށް ފެތޭ، ރައްކާތެރި އަދި އިތުބާރު ހުރި ނިޒާމެއް ކަމަށެވެ.
މި ޑިޖިޓަލް ވޮލެޓުގެ ސަބަބުން ކޭސްލެސް އަދި ކޮންޓެކްޓްލެސް ޕޭމަންޓްތަކަށް މަގުފަހިވެ، ކުދި އަދި މެދު ފަންތީގެ ވިޔަފާރިތަކަށް ބޮޑެތި ފަސޭހަތަކެއް ލިބިގެންދާނެއެވެ. ވަގުތުން ވަގުތަށް ފައިސާ ފޮނުވުމާއި ދުނިޔޭގެ ކޮންމެ ތަނަކުންވެސް ފައިސާ ލިބިގަތުމުގެ އިތުރުން، ހުރިހާ ދިވެހިން އިޤްތިޞާދީ ނިޒާމުގެ ތެރޭގައި ޝާމިލުކުރުމަށް މިއީ އެޅޭ މުހިންމު ފިޔަވަޅެކެވެ. ރާއްޖެއާއި ރާއްޖެއިން ބޭރުގެ މުއާމަލާތްތަކަށް ބޭނުންކުރެވޭ މި އެޕްލިކޭޝަނަކީ “ޑިޖިޓަލް މޯލްޑިވްސް” ވިޝަން ހާސިލުކުރުމަށް ބޭނުންވާ ވަރުގަދަ ބިންގަލެއްކަމަށްވެސް ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0